SAL8137, Act: R°123.2 (190 of 390)
Search Act
previous | next
Act R°123.2  
Act
Date: 1468-01-23

Transcription

2020-02-12 by Jef Willemsens
It(em) nae dien dat in rechte comen sijn voir meye(r) en(de) scepen(en)/
van loven(e) jacop maelge in deen zijde ende henric van schoelant/
in dande(re) ald(aer) de vors(creven) jacop maelge den vors(creven) henricke aen/
sprac seggen(de) dat hij onlanx comen wae(re) tot sinen huys en(de) heeft [hadde]/
ald(aer) op sinen waghen die hij d(aer) brachte geladen ii amen en(de)/
ii tregelvate biers en(de) die ewech gevuert Begeren(de) ende/
v(er)sueken(de) van hem d(aer) af betalinge te hebbene alsoe elc/
ame en(de) tregelvat alder? biers ald(aer) dagelijx ge
voir elc/
ame eene(n) peet(er) en(de) voir elc tregelvat nae avenant/
En(de) dat dat waer wae(re) d(aer) af deilde hij hem den eedt/
en(de) nae dien dat de vors(creven) henric va(n) schoelant v(er)weerde(r)/
den eedt tot hemwert genome(n) hadde ende hij ten dage/
d(aer) toe dienen(de) niet comen en is noch sine(n) eedt gedaen/
en heeft soe es bij vo(n)nisse d(er) scepen(en) van loven(e) gewijst/
dat de selve he jacop sinen eisch aende(n) vors(creven) he(n)ricke/
va(n) schoelant v(er)reict sal hebben cor(am) lyemi(n)gen roelants/
tymple nethenis [col(onia)] m(ar)sels oud(erogghe) ja(nua)[rii] xxiii
Contributorskristiaan magnus
Moderated bykristiaan magnus
Last update: 2018-08-13 by The Administrator