SAL8137, Act: R°160.3-V°160.1 (247 of 390)
Search Act
previous | next
Act R°160.3-V°160.1  
Act
Date: 1468-03-08

Transcription

2020-03-22 by Jef Willemsens
Allen den ghenen dien dese l(ette)ren ghetoent zulle(n) wordde(n) burg(er)meeste(re)n/
scepen(en) ende raid der stad van loven(e) saluyt met kennissen der wairheit/
doen te weten(e) dat opden dach van heden voir ons come(n) es in p(ro)pren p(er)sone/
margriete vanden dijke weduwe jacops wijlen van raveschote onse ingeseten/
poirt(er)sse ende heeft gheconstitueert ghesedt ende volcome(n) macht gegeven/
anthonijse uuten hove gheheeten zedelee(re) alle ende yeghewelke huer goede/
chijsen renten erfpachte(n) lijfrenten jairgulde(n) ende schulde(n) der voirs(creven) m(ar)g(rie)[te(n)]/
bynnen loven(e) ende dair buyten ende oic elswai(r)e soe wair die bynnen/
den lande van brabant ghelegen sijn ende men huer schulden es/
oft naemaels wesen sal Te rege(re)n te mane(n) te eysschen opte bue(re)n/
ende tontfanghe(n) aen wat p(er)soene(n) oft goeden oft te wat steden oft/
plaetssen dat dat sijn mach dair vore te pande(n) te daghene te beleyden(e)/
en(de) rastemente(n) te doen legghen(e) nae ghewoente ende costume vand(er)
//
vander plaetssen dair dat behoe(re)n sall oft behoeve(n) soude moghe(n)/
Ende op dats noot ghebuerde voir alle richte(re)n gheestelick ende/
weerlick met rechte te v(er)volghen(e) te v(er)antw(er)den(e) te beschudden(e)/
ende in aenlegghers oft verw(er)ders stat te bedinghen(e) die te wynnen(e)/
ende te v(er)liesene thonisse(n) ende wairheid(en) te leyden(e) en(de) vand(er) wed(er)p(ar)tije(n)/
te sien leyden jeghen hue(re)n p(er)soen ende ghetuygenissen te excipieren(e)/
en(de) te opponeren(e) composicie ende mynlijke yffeninghe dair af te/
maken(e) den schulde(re)n van des hij ontfanghen zall quijt te schilde(n)/
ende quitan(cie) te gheven(e) ende de omberuerlijke goede ende voertaen/
g(e)n(er)alick ende sp(eci)alick allet ghene dair inne te doene ende te vorderen(e)/
dat de selve m(ar)g(rie)[te] selve soude moghen doen waert dat sij teghewordich/
ende voir oeghen wae(r) Gheloven(de) de voirs(creven) m(ar)g(rie)te bij huer(er) trouwe(n) in stat/
van eede ende opt verbont van allen hue(re)n goeden beruerlick en(de) omberuerlick/
teghewordich ende toecomende tot ewighe(n) daghe(n) goet vast gestentich/
en(de) omverbrekelick te houden(e) ende te hebben(e) allet ghene des bijden vors(creven)/
anthonijs hue(re)n inne gedaen en(de) gevord(er)t sal wesen alle arghelist h(ier)/
inne uutghescheyde(n) due(re)nde dese p(ro)curacie en(de) mechtich(eit) totten wederroepe(n)/
der voirs(creven) m(ar)griete(n) ende niet lange(r) cor(am) hoeve(n) burg(imagistro) roel(ants) nethenis/
scab(inis) m(ar)tii viii[a]
Contributorskristiaan magnus
Moderated bykristiaan magnus
Last update: 2018-08-13 by The Administrator