It(em) meest(er) peter van loven(e) ende machtelt van neckerspoele sijn wijff/ hebben heden voir den raide vander stad ter p(rese)ncien van zoeten schuytmans/ acht(er)volghen(de) der t(er)minacie(n) voirs(creven) huer eede ghedaen ende hen dair mede/ van allen pointen ghepurgeert uutghescheid(en) meest(er) peter vande(n) ontfange/ vand(er) p(ro)curacie(n) die hij van zoeten ontfanghen mocht hebben soe hij seyde/ ende voort tot antw(er)pen ghedraghen ende ald(aer) ghegeve(n) den ghenen/ dair af hij last hadde van zoeten ende and(er)s mett(er) p(ro)curacie(n) niet gedaen/ cor(am) lyeminghen hoeve(n) burg(imagistris) (et) aliis de pleno (con)similio maii vi[ta]