SAL8137, Act: R°212.2-V°212.1 (324 of 390)
Search Act
previous | next
Act R°212.2-V°212.1  
Act
Date: 1468-05-11

Transcription

2020-05-01 by Jef Willemsens
Allen den ghenen (et)c(etera) doen te wetene dat opden dach va(n) heden voir/
ons come(n) is h(er) emond van dongelberghe p(ri)ste(r) brued(er) vand(er) ordine/
van sinte jans van jh(e)r(usa)l(e)m bediend(er) vand(er) capellen van sint jans tot/
breda en(de) heeft in alle der best(er) vorme(n) en(de) manie(re)n soe dat nae/
recht best mach diene(n) en(de) stat gripe(n) ge(con)stitueert geco(m)mitteert/
geordineert gesedt en(de) met volcomend(er) macht en(de) auctoriteit/
gemechticht wille(m)me van dongelb(er)ge becke(r) sine(n) neve o(m)me/
alle de goede en(de) p(ro)fijten d(er) selv(er) chijsen rinte(n) erfpachte(n) en(de) sculden/
den vors(creven) h(ere)n emonde toebehoe(re)nde te chantrain te molenbeke/
te wolv(er)shem en(de) elswair binnen den lande va(n) brab(ant) gelege(n) en(de)/
men hem sculd(ich) is oft naemaels wesen mach sal te rege(re)n te mane(n)/
teisschen op te bue(re)n en(de) tontfange(n) aen wat goeden oft p(er)soene(n)
//
oft te wat steden dat dat sijn mach d(aer) voe(r) te panden en(de)/
te dagene en(de) te beleidene en(de) rastame(n)te te doen legge(n) oft/
and(er)ssins soe dat nae recht vand(er) plaetsen d(aer) dat behoe(re)n/
sal oft behoeve(n) soude moge(n) te p(ro)cede(re)n En(de) ofts noot gebuerde/
voir alle richte(re)n geestelic en(de) weerlic met rechte te v(er)volgene/
te v(er)antwerden te bescudden en(de) te bedinge(n) die te wynne(n) ende/
te v(er)liesene composicie en(de) mynlike yffeni(n)ge d(aer) af te maken/
den sculde(re)n vandes hij ontfange(n) sal quijt te scelden en(de) quitan(cie)/
te geve(n) en(de) de omberuerlike goede des vors(creven) he(re) emonds eene(n)/
t(er)mijn van jare(n) uut te gheve(n) te v(er)pachten en(de) te v(er)hue(re)n en(de) voirtaen/
generalic en(de) specialic alle tgene d(aer) inne te doene en(de) te/
vorde(re)n dat de vors(creven) h(er) emond selve soude moge(n) doen waert/
dat hij p(re)sent en(de) voe(r) ogen wae(re) Geloven(de) voir ons de vors(creven)/
h(er) emond renu(n)cie(re)nde [in dese(n)] de p(ri)vilegie(n) en(de) vrijheid(en) vand(er) uni(ver)siteit van/
loven(e) en(de) alle ande(re) in goeden trouwen voir goet vast gestentich en(de)/
va(n) weerde(n) te houden tot ewigen dage(n) soe wes biden vors(creven) willem(me)/
inde(n) saken vors(creven) en(de) des d(aer) aen cleeft ged(aen) en(de) gevord(er)t sal wese(n)/
in enig(er) manie(re)n zond(er) argelist cor(am) hoeve(n) burg(imagistro) col(onia) m(ar)sels scab(inis)/
maii xi
Contributorskristiaan magnus
Moderated bykristiaan magnus
Last update: 2018-08-13 by The Administrator