It(em) jan vanden borchoven in p(rese)ncien d(er) scepen(en) van loeven(en) gestae(n) heeft/ en(de) gelijt voir hem sine(n) erve(n) ende naecomelinghe(n) dat hij/ soe bij machte van scepen(en) brieve(n) van loeven(en) hem bij joffrouwe/ maghtelde(n) svroeden weduwe jans wilen kerstiaens bekint int jair/ duysent vierhondert liii xi dage in julio en(de) opden selve(n) dach/ nae den rechte d(er) stat van loven(en) totte(r) goede(n) d(er) selv(er) joffrouwe magh/ telden geleit is tot dier meyni(n)ghe(n) dat hij mette(n) selve(n) brieve(n) v(er)hale(n)/ soude aende goede die d(er) selv(er) joffr(ouwe) maghteld(en) v(er)storve(n) wae(re)n bij/ doode gielijs [golijs] wijle(n) de vroede de su(m)me van vijftich rijd(er)s d(er) mu(n)te(n)/ wile(n) h(er)toge ph(ilip)s va(n) burg(oig)[ne(n)] en(de) van brabant soe oic uut/
//
machte en(de) crachte van testame(n)te bid(er) selv(er) joffrouwe maghtelde(n)/ gemaect gehaven ende gebuert heeft van wout(ere)n vande(n) tymple/ nu t(er) tijt scepen(en) te loeven(en) vijftich rins gulden(en) elke(n) gulden(en) voir/ xx stuv(er)s gerekent alse voi(r) terdendeel van vijf mudde(n) corens/ d(er) mate(n) va(n) loven(en) erfs pachte en(de) voir terdendeel va(n) v hollan(sche)/ gul(den) erfchijs die d(er) vors(creven) joffrouwe maghtelde(n) uut doode des/ voirs(creven) wile(n) golys de vroede huers oems wettichs soens v(er)storve(n) en(de)/ bleve(n) wae(re)n aen en(de) op zeke(r) goede die wijle(n) wae(re)n he(n)rix de vroede/ en(de) nu toebehoe(re)n wout(ere)n vande(n) tymple vors(creven) gelege(n) te wijchmale/ inde p(ro)chie va(n) here(n)t toest(er)hem te werchte(r) te wiltsele te rotselar/ en(de) d(aer) omtre(n)t Bekennen(de) de selve jan vande(n) borchove(n) hem mids/ den vors(creven) c rins gul(den) va(n) alle(n) rechte en(de) int(er)est en(de) p(ro)p(ri)eteit dat/ hij mach hebben int vors(creven) derdendeel d(er) vors(creven) v mudde(n) rox corens/ en(de) int t(er)dendeel d(er) v hollan(sche) gulden(en) vors(creven) het sij uut machte/ vande(n) brieve(n) uut machte vande(n) vors(creven) testa(men)[te] oft uut title/ va(n) successie(n) oft and(ere)n redene(n) hoed(anich) die wae(re)n volcomelic v(er)nuecht/ sijnde en(de) egeen recht d(aer) aen nocht inne te behoudene in enig(er)/ manie(re)n dair op voir hem sine(n) erve(n) en(de) naec(omelin)[ge(n)] tot behoeff/ des vors(creven) wout(er)s sine(n) erve(n) en(de) naec(omelingen) volcomelic r(e)nu(n)cie(re)nde en(de)/ v(er)tiende cor(am) colonia ouder(ogge) julii ult(ima)