Cont zij allen lieden dat peet(er) die hoyere wonen(de) te kerckem in p(rese)nc(ia)/ der scepen(en) van loeven(en) gestaen heeft genomen en(de) bekint dat hij/ genomen heeft van ja(n)nesse de custe(re) wonen(de) te libbeke inde(n) name/ en(de) als gemechticht van weghen jacops de witte terdegedeelte/ van eenre wat(er)moelen den selve(n) jacoppe toebehoe(re)nde gelege(n) te/ byvoerden te weten vand(er) overster moelen d(aer) af dand(er) twee/ derdegedeelten janne de witte sinen brued(er) toebehoe(re)nde sijn/ te houden en(de) in hueri(n)gen te besitten van kersmisse lest leden eene(n)/ t(er)mijn va(n) iiii jare(n) lanc due(re)nde deen nae dand(er) sond(er) middel/ volgen(de) elx jaers dae(re)n bi(n)nen voe(r) en(de) o(m)me terdegedeelte van/ xxxii sacken rox der maten van thiene(n) te weten vi halst(er)/ d(er) maten van loven(en) voir elken sack gerekent alsulc core(n) als/ de moelen wynt alle jae(re) half te kers(misse) en(de) half te sint jansmisse/ te bet(alen) en(de) te loven(en) te leve(re)n den vors(creven) jacoppe de witte/ en(de) ja(n)nesse de coste(re) vors(creven) oft den eene(n) van hen bring(er) sbriefs/ alle jae(re) den vors(creven) t(er)mijn due(re)nde en(de) telke(n) t(er)mijne alt v(er)volghde/ schout opde vurwerd(en) h(ier) nae bescr(even) Te weten dat de/ vors(creven) molde(r) jarlix in afslage vanden vors(creven) pachte ten behoerlike(n)/ tijden gelden en(de) betalen sal terdegedeelte va(n) alle(n) den pachte/ chijse en(de) laste uut(er) vors(creven) geheeld(er) moelen uutgaen(de) alsoe dat/ tselve d(er)gedeelte d(er) selv(er) moele(n) des vors(creven) jacops d(aer) van geen/ scade hebbe(n) noch lide(n) en sal in enig(er) manie(re)n It(em) sal de vors(creven)/ molde(r) [tvors(creven)] terdegedeelte d(er) vors(creven) moelen op sine(n) cost sine(n) tijt due(re)nde/ houden va(n) ca(m)men en(de) va(n) spillen en(de) de vors(creven) jacop de witte/ voert van allen and(ere)n werke en(de) behoeften sond(er) argelist en(de)/ dat sal de vors(creven) molde(r) jarl v(er)leggen in afslage vanden vors(creven)/ pachte alsoe v(er)re hem dien gestrect en(de) niet vorder cor(am) col(onia)/ ouderogghe septe(m)bri xvi