It(em) vrancke bilsaens zone wijlen henr(ix) in deen zijde en(de) jan jennijns/ inde(n) name van hem selve(n) en(de) van weghen laureys je(n)nijns sijns brued(er)s/ den welken de selve jan in desen op hem ghenome(n) heeft en(de) gelooft te/ v(er)vane in dand(er) zijde in p(rese)nc(ia) hebben ghekent in beyden zijden dat bij/ middele ende tusschen spreken(e) van vrienden in beyden zijden tusschen hen/ een ghewarighe zoene ende peys ghemaect ende ghesloten es alse van/ alsulken quetssue(re)n en(de) handedicheit als sij deen [aen] den ande(re)n ghedaen (ende)/ voortghekeert hebben ende voort van allen ande(re)n twiste der voirs(creven) zaken/ aengaen(de) hoe en(de) in wat manie(re)n die bijcome(n) sijn moghe(n) mits zekeren/ pe(n)ninghe(n) die sij van malcande(re)n dair vore ghehadt en(de) ghehave(n) hebben/ van welken quetssue(re)n en(de) geschille vors(creven) de voirs(creven) p(ar)tijen in beyden zijden hen/ bekent hebbe(n) deen vande(n) ande(re)n volcomelick ghecontenteert te zijne P(ro)mitten(tes)/ nullat(enu)s alloqui cor(am) colonia oud(erogghe) febr(uarii) ultima