It(em) niet wederstaen(de) der voirscr(even) quijtan(cie) soe es vurw(er)de tusschen/ den voirs(creven) pete(re)n t(er) eenre ende janne den witte voirs(creven) t(er) ande(re)/ want de voirs(creven) jan de witte de voirs(creven) goede onder meer ande(re) co(m)me(r)/ dair uutgaen(de) vercocht heeft op ii rinssche gul(den) erfl(ic) die jacop sijn/ wettich brueder dair aen hebben soude oft men nae recht oft and(er)ssins/ soe dat ghenoech mocht sijn bevonde dat de voirs(creven) goede mette(n)/ voirs(creven) ii rinssche gul(den) erfl(ike) renten niet belast en wae(re)n dat dan/ in dien ghevalle de voir(screven) pet(er) den voirs(creven) janne den witte/ oplegghen ende betalen sall voir elk(er) der selv(er) gul(den) xviii/ ghelijker gulden(en) ende de jairlijke rente vande(n) voirs(creven) ii rinssche/ gulden(en) betalen t(er) wijlen toe bevonden sal wordde(n) dat die goede d(aer)/ mede belast sijn oft niet belast en sijn cor(am) roelants tymple m(ar)tii viii[a]