It(em) beatrijs van bruessele weduwe goessens wijlen bog(ar)ts heeft/ ghelooft den voirs(creven) roelove goorde ende henricke ende elken/ van hen alsoe verre hem dat aengaet dat soe wanneer sij/ coepman sullen hebben bevonden vanden erflijken goeden bynne(n)/ loven(e) ende bynnen der vrijheit der selv(er) gheleghe(n) acht(er) den vors(creven)/ wijlen goessene ghebleven ende die sij beatrijs voirs(creven) opde(n) dach/ houden(de) ende besittende es dat sij dan die goede het sij in/ al oft in deele derven ende uutgaen sal tot behoef desselfs/ coep(er)s met gheluften van ghenoech doene en(de) warandeerscape/ dair aff te gheloven(e) Ende dat de pe(n)ninghe van dien/ come(n) sullen in handen roelofs goorts ende henricx voirscr(even)/ o(m)me hen selven dair mede te lossene vand(er) gheluften vander/ erfquijtinghen vanden halve(n) rijder erflick voirs(creven) dair inne/ de voirs(creven) wijlen goessen met scepen(en) brieve(n) van loven(e) gehoude(n)/ ende verbonden [was] ende voort meer van allen ande(re)n schulde(n) en(de) borchtochte(n)/ dair voe(r) sij voe(r) den selve(n) wijlen goessene ghesproken hebbe(n) en(de) borghe/ bleve(n) sijn met alle coste en(de) co(m)me(r) soe verre die pe(n)ninghe hen/ sullen ghestrecken Ende dat sij beatrijs vors(creven) sond(er) consent der/ voirs(creven) p(er)soene(n) egheene goede vanden voirs(creven) goeden derve(n) nocht/ uutgaen en sal beco(m)me(re)n noch belasten in e(n)nig(er) manie(re)n
//
and(er)s dan in lossinghen der schult voirscr(even) Behoud(elic) oft/ vanden vercochten goeden e(n)nighe pe(n)ninghe verov(er)den alle/ schulden voirscr(even) met coste ende co(m)me(r) tyerst betaelt sijnde/ dat de voirs(creven) p(er)soenen den ov(er)slach van dien pe(n)ninghen/ der voirg(enoemde) beatrisen uutreyken sullen ende ov(er)leve(re)n zond(er)/ arghelist cor(am) eisd(em)