Cont zij allen lieden dat peter vander lynden sone wilen willems/ wonen(de) te zichen(en) in jeghewoirdicheiden der scepen(en) van loven(e) gestaen/ heeft gehuert jegen de hee(re)n deken en(de) cap(it)le der kerken van sinte peters/ te loven(e) alsulken wat(er)tol als de selve cap(it)le heeft te zichen(en) en(de) dair/ omtrent Te houden [en(de)] te hebben(e) van sint jansmisse baptisten naestcomen(de)/ eene(n) t(er)mijn van sesse jairen lang v(er)volgende elcx jairs darenbinnen/ om viventwintich gulden(en) te weten thien stuv(er)s der mu(n)te(n) ons gened(ichs)/ hee(re)n tshertogen van bourg(oig)[ne(n)] en(de) va(n) brabant voir elke(n) gulden gerekent/ deen helicht te kersmisse ende dander helicht tsintjanmisse te betalen(e)/ den voirs(creven) he(re)n oft hue(re)n geco(m)mitterden ten tide zijnde alle jaire den voirs(creven)/ t(er)mijn duerende en(de) telken t(er)mijne als v(er)volghde schout Geloven(de) de
//
voirs(creven) pet(er) den voirs(creven) hee(re)n hier af altijt genoech te doene en(de) te betalen/ des voirs(creven) is talle(n) tiden en(de) t(er)mijne(n) alst hen vallen en(de) v(er)schijne(n) sal/ telke(n) t(er)mijne als v(er)volghde schout Hier af zijn borghen des voirs(creven)/ pet(er)s als p(ri)ncipael sculde(re)n ongesund(er)t en(de) onv(er)sceyden vrancke gielkens/ en(de) henric poirte(re) van zichen(en) de welke de voirs(creven) peter hier af gelooft/ heeft scadeloes tontheffen cor(am) roelants m(ar)sels junii xx[a]