It(em) es tussche(n) den voirs(creven) jannese en(de) lijsbette(n) sijnre zust(er) bevurw(er)t/ ende ondersproken soe wanneer de voirsc(reven) jannes der selv(er) sijnre/ zust(er) ende huer ii schilde erflijker renten die sij heeft aen ende/ op een huys met sijnre toebehoirte(n) gheheeten ons(er) vrouwen huys/ gheleghen taerschot inde kerchofstrate ende alsulken huys mette(n)/ hove ende alle(n) sine(n) toebehoirte(n) dair naest gheleghen dwelc/ de voirs(creven) jannes v(er)obligeert ende te pande ghesedt heeft aen/ henricke sluysman sine(n) wive ende hue(re)n kynde(re)n voir xxv st(uvers)/ erf(lijker) renten ghelost ende afghequete(n) sal hebben dat in/ dien ghevalle den voirs(creven) brief te nieute sal sijn cor(am) eisd(em)

[It(em)] acht(er)volgen(de) desen heeft joh(anne)s vors(creven) geconsenteert datme(n) huer/ den brief laet volgen