Het sijn come(n) in raide vander stad jan van winxele in deen zijde/ ende meest(er) augustijn van nethene(n) als p(ro)cur(eur) joffr(ouwe) vriendelijne(n) va(n) nethene(n)/ weduwe ottens wijlen van hoeghstrate(n) gheheete(n) van cuyct ende(n) inde(n)/ name jans van cuyct zone der selv(er) joffr(ouwe) vriendelijne(n) in dand(er) zijde/ alse vande materien van iiii mudden ende vi halst(er) t(ar)wen en(de) iiii(½) mudde(n)/ rox erfs pachts tsame(n) ghetaxeert op ix mudde(n) rox Item van x s(cellingen)/ bone lviii capuyne outs chijs staen(de) op zeke(r) goide te bevekem en(de)/ dair omtrent geleghe(n) die de voirs(creven) jan van winxele teghen der voirs(creven)/ joffrouwe(n) vriendelijne(n) ghecocht heeft Dair aff de selve jan v(er)sochte/ guedinghe ende vestich(eit) ghedaen te hebben(e) acht(er)volghen(de) zeke(r) vonnissen/ bijden h(ere)n scepen(en) van loven(e) dair aff ghewesen ende oic div(er)se t(er)minacien/ dair aff ten div(er)sen t(er)ijden gheloepen Dair op de voirs(creven) meest(er) augustijn/ seyde dat de voirs(creven) jan hem schuldich we(re) quijtan(cie) te gheven(e) van hond(er)t/ ende vijff rinssche gul(den) die hij h(er) jacope(n) uuten lyeminghe(n) rydde(r) vande(n) goede(n)/ vand(er) royeele betaelt heeft ende oic vanden verlette van xii rijd(er)s erf(licker)/ renten van vi jairen verledt die de voirs(creven) jan van winxele opde/ goede vanden royeele voirs(creven) houden(de) es ende oft jan segghen woude/ dat hij hem dair af quijtan(cie) ghedaen hadde soe en we(re) die quitan(cie)/ niet alsoe volcome(n) als hem behoren soude Soe es ten uut(er)sten ende/ finalijken alle vo(n)nissen ende alle t(er)minacie(n) h(ier) op totten daghe toe van/ heden ghewesen ende gheloepen aenghehoirt sijnde ende oic de voirg(eruerde)/ quitan(cie) bij janne van winxele den voirs(creven) meest(er) augustine ghegeve(n)/ ende ghedaen xxviii daghe in januario lestleden staen(de) ond(er) gerard(e)/ van baussele ghet(er)mineert dat de voirs(creven) meest(er) augustijn nae/ uutwijsen der scepen(en) vonnisse(n) ghehoude(n) sal sijn janne van winxele/ vanden voirscr(even) goeden guedinghe te doene ende de voirg(eruerde) quitan(cie) alse/ van weerden taenverden(e) Ende dat ghedaen sijnde heeft dan e(n)nich/ vanden p(ar)tijen e(n)nich ghebreck op dande(re) dat die p(ar)tije ghebreck hebben(de)/ dat sal moghen volghen dair ende soe dat behoirt met rechte Act(um)/ cor(am) lyemi(n)ghen hoeve(n) burg(imagistris) (et) aliis de pleno (con)silio febr(uarii) xii[a]