Cont zij allen lieden dat reynee(r) cuppens wonen(de) te buedinghen in/ p(rese)ncien der scepenen van loeven(e) gestaen heeft genomen en(de) bekint dat/ hij genomen heeft van he(re)n pete(re)n vanden berghe he(re)n jacoppe/ vanden berghe en(de) he(re)n hubrechte va(n) weerde p(ri)ste(re)n [en(de)] meest(ere)n vander/ distribucien vanden capellanen d(er) kerken va(n) sinte peet(er)s te loeven(e)/ inden name en(de) va(n) weghen der selver distribucien een boend(er) wynnens/ lants gelegen te buedinghen tusschen de goede scloest(er)s va(n) rothem aen/ deen zijde en(de) de goede mychiels va(n) zurpele aen dande(r) zijde Te/ houden te hebben en(de) te wynnen va(n) kersmisse lest lede(n) eene(n) t(er)mijn/ van tweelff jaren lang due(re)nde deen nae dand(er) sond(er) middel/ volgen(de) elx jairs dae(re)n binnen voe(r) en(de) o(m)me viere hollan(sche) gulden(en)/ va(n) goude goet en(de) ginge oft die weerde d(aer) af alle jae(re) sint/ andriesmisse apostels te betale(n) en(de) te loven(e) te leve(re)n den vors(creven)/ he(re)n tot behoef vand(er) vors(creven) distribucie(n) den vors(creven) t(er)mijn due(re)nde/ en(de) telken t(er)mijne als v(er)volghde schout Opde vurwerde(n) h(ier) onder/ bescr(even) inde(n) iersten dat de vors(creven) reynee(r) tvors(creven) boend(er) lants jairlix/ sinen t(er)mijn due(re)nde wel en(de) loflic wynnen werve(n) en(de) mesten sal/ gelijc sinen regenoeten boven en(de) beneden It(em) dat de vors(creven) reynee(r)/ jairlix den vors(creven) t(er)mijn due(re)nde betale(n) sal alle(n) de(n) chijs en(de) last en(de) co(m)m(er)/ uuten vors(creven) goeden gaende sond(er) afslach d(er) viere hollan(sche) gulden(en) vors(creven)/ cor(am) tymple col(onia) febr(uarii) xxiii