It(em) ter meerder vestich(eit) den voirs(creven) ghehuysschen ende hue(re)n kinde(re)n van/ des voirs(creven) es te doene soe sijn bij handen jans laureys vorst(er)s te/ loven(e) vanden voirs(creven) janne ouderogghe den voirs(creven) lod(ewijcke) roelants tot/ behoef als voe(r) in handen gesedt ende v(er)obligeert voir tvoldoen der/ voirs(creven) lijfrente(n) de juweelen h(ier) nae bescreve(n) Inden yersten een/ gulden(en) ketene weghen(de) xi(½) once(n) It(em) eene(n) gul(den) halsbant veramaest/ ende een gulden span dair inne staen(de) eene(n) robbijn een taeffle van/ dyamante ende een p(er)le weghen(de) den selve(n) halsbant metten span iii once(n)/ It(em) drie zilve(re) schalen de boorde v(er)gult weghen(de) drie m(er)ct Te dyen/ eynde ghebuerdert den voirs(creven) ghehuysschen ende hue(re)n kinde(re)n inder/ betalinghen der voirs(creven) lijfrente(n) oft bewijsenissen der selv(er) enich ghebreck/ te hebben(e) soe sullen sij aut alt(eri) oft yemant and(er)s recht inde selve lijft(ochten)/ van hue(re)n wegen hebben(de) sijn ghebreck aen de vors(creven) juweele(n) sal moghe(n)/ v(er)hale(n) ende die ten prijse van juweliers oft goutsmede(n) hen des v(er)staen(de)/ met rechte v(er)coepen zonder den selve(n) janne ouderogghe dair af vorde(r)/ te derve(n) verantw(er)de(n) Ende oft d(aer) ov(er) sijn gebreck yet ov(er)schiet dat soude/ hij den voirs(creven) janne ouderogghe wed(er)ke(re)n en(de) oft d(aer) yet gebrect dat/ soude hij metten voirs(creven) scepen(en) brieve(n) moghe(n) v(er)halen behoudelic dat hij sal moge(n)/ p(ro)cede(re)n met e(n)nige(n) van beyde(n) dwelck hem best gelieve(n) sal En(de) oft de voirs(creven)/ ghehuyssche(n) en(de) huer kinde(re) oft yemant and(er)s recht d(aer) inne hebben(de) and(er)s dan/ met v(er)coepen(e) der vors(creven) juweele(n) vernueght wordde(n) soe sal de voirs(creven) lod(ewijc)/ roelants gehoude(n) sijn den vors(creven) ja(n)ne ouderogge de voirs(creven) juweele(n) ov(er) te geven(e)/ gelijck hij die ontf(angen) heeft cor(am) eisd(em)