It(em) nae dien dat ernoul lijse van jandraing zeke(r)/ onghebruyck ghedaen hadde ende voort ghekeert aen xiiii/ grote roeden lants gheleg(en) en penchomo(n)t te jandraing tussche(n)/ de goede jans wijlen van jandrayne en(de) der erfghenamen/ massarts wijlen du pont In welke xiiii grote roeden voirs(creven)/ lodewijck uuter helicht ende meest(er) jan calab(er) als momboe(re)n/ m(ar)grieten heyberchs ende heilwighen vanden berghe hue(re)r/ huysvrouwen staken met scepen(en) brieve(n) van loven(e) ende inde/ possessie wae(re)n der selv(er) Ende dair o(m)me ende uut macht/ vanden selve(n) scepen(en) brieve(n) langhe ghedateert voir djair/ van lx[e(n)] mett(er) stad brieve van versueke ghescr(even) es aen den/ meye(r) van jandraing o(m)me tvoirs(creven) onghebruyck af te doene/ ende den voirs(creven) lod(ewijcke) ende meest(er) janne in hue(re)r possessien te/ bliven(e) Behoud(elic) oft de voirs(creven) ernoul lijse teghen de voirs(creven)/ brieve yet hadde willen segghe(n) dat hij des come(n) wae(re) op/ heden te mistijde voir meye(r) ende scepen(en) van loven(en) dair/ de kennisse van dien behoirt Soe en es de voirs(creven) ernoul/ ten voirs(creven) daghe van rechte niet ghecomp(ar)eert noch bij hem/ selve(n) noch bij sine(n) p(ro)cur(eur) Soe dat de he(re)n scepen(en) aengehoirt/ janne vlas der stad ghesworen(en) bode tuyghen(de) dat hij dair bij/ was dair de voirs(creven) meye(r) de voirs(creven) versueck brieve ov(er) den voirg(enoemde)/ ernoul lijse t(er) execucie(n) stelde ende hem dach van rechte/ beteken(de) op in dond(er)sdaghe lestleden vo(n)nislijken ghewijst hebbe(n)/ datmen den voirs(creven) lodewijcke ende meest(er) janne vanden vors(creven)/ goeden houden sall in hue(re)n scepen(en) brieve alsoe verre alst/ noch voir scepen(en) come(n) es cor(am) lyeminghe(n) roelants nethenis/ m(ar)sels oud(erogghe) oct(obris) xiii