It(em) jan vand(er) paelt als wettich man en(de) momboir yden vand(er) stoct sijnre/ huysvrouwen in p(rese)nc(ien) heeft verhuert en(de) bekint dat hij v(er)huert heeft/ janne vanden hove nu t(er)tijt meye(re) te betheke(m) ja(n)ne peet(er)s den jonge(n)/ sone jans peet(er)s en(de) henricke de smet sone wilen jans alle va(n) betheke(m)/ drie boender beempts luttel min oft meer gelege(n) inde p(ro)chie van/ werchte(r) t(er) plaetsen geheten blaesbroec tussce(n) de goede der vors(creven) yden/ en(de) de demere ald(aer) en(de) biden goeden d(er) kind(ere)n van elsbroec Van sinte/ mertensmisse lest leden eene(n) t(er)mijn van vi jaren lanc due(re)nde deen/ nae dand(er) sond(er) middel volgen(de) elx jairs dae(re)n binne(n) voe(r) en(de) o(m)me/ xxxiii rinsch gul(den) te wete(n) xx stuv(er)s mo(ne)[te] d(omi)ni duc(is) (et)c(etera) voir elken/ rinsch gul(den) gerek(ent) alle jare sinte m(er)tensmisse vallen(de) en(de) ombegrepe(n)/ altoes half te kersmisse en(de) half te sinte jansmisse bap(tis)[ten] d(aer)nae/ volgen(de) te betalene en(de) te loven(e) inden wissel te leve(re)n jairlix den vors(creven)/ t(er)mijn due(re)nde q(uolibet) ass(ecutu)[m] Welke betalinge de vors(creven) jan vanden hove/ jan peet(er)s [en(de)] henric de smet hebben geloeft ongesund(er)t en(de) onv(er)sceid(en) den/ vors(creven) ja(n)ne vand(er) paelt den vors(creven) t(er)mijn due(re)nde te betalen en(de) te/ voldoene ind(er) manie(re)n gelijc vors(creven) steet En(de) hebben voert geloeft/ de vors(creven) jan vanden hove jan peet(er)s de jonge en(de) henric de smet/ indivisim den vors(creven) jan(n)ne vand(er) paelt oft enich van hen binnen den/ vors(creven) t(er)mijne aflivich wordde oft hem afhendich maecte dat dan/ dande(re) van hen t(er) manissen des vors(creven) jans vand(er) paelt eene(n)/ oft meer gelike p(er)soene(n) gestaedt en(de) gegoet inde stat vanden ghene(n)/ die aflivich oft afhendich wordde sette(n) sulle(n) die hem ind(er) selv(er)/ manie(re)n oic v(er)binden en(de) v(er)oblige(re)n sal voir scep(enen) van loven(e) o(m)me des/ vors(creven) steet te voldoene sond(er) argelist sond(er) cost jans vand(er) paelt vors(creven)/ h(ier) inne bevorwert dat de vors(creven) iii p(er)soene(n) de vors(creven) goede binne(n) den/ iersten iiii jare(n) en(de) niet d(aer) nae twee werff sullen mogen breken en(de) sayen/ en(de) niet meer Met vurw(er)d(en) oic oft de selve p(er)soene de vors(creven) iii/ boend(er) beempts sayden maeyden oft etten en(de) mids dien enige thiende/ v(er)schene(n) wa(r)e dat sij die sond(er) des vors(creven) jans vand(er) paelt cost/ en(de) sond(er) afslach va(n) sine(n) gelde gelden en(de) betale(n) sulle(n) Ende de selve/ jan vand(er) paelt sal de selve goede tot tot sijnd(er) cost eens des jairs/ den vors(creven) t(er)mijn due(re)nde te half m(er)the v(er)maken En(de) dese voirs(creven) vurw(er)d(en)/ hebben de vors(creven) p(ar)tije(n) malc(anderen) geloeft te voldoene talle(n) tijden en(de) t(er)mijne(n) als/ die valle(n) en(de) v(er)schine(n) sullen q(uolibet) ass(ecutu)[m] cor(am) l(udovico) roelofs vos junii xii