It(em) al eest alsoe dat de vors(creven) jan vand(er) lynden int vors(creven) vierdel/ wyng(ar)ts gegoet is gelijc vors(creven) steet soe es nochta(n) vurw(er)de/ en(de) de meyni(n)ghe va(n) dien dat de vors(creven) jan vand(er) linde(n) mett(er)/ vors(creven) guedingen hem niet behulpe(n) en sal noch d(aer) mede werken/ het en wae(re) dat de vors(creven) gorijs in enigen vanden vors(creven) t(er)mijne(n)/ ind(er) vors(creven) geluften begrepen in gebreke wae(r) van betalinghe(n) Dwelc/ oft gebuerde so soude de vors(creven) jan vand(er) lynde(n) van die(n) dage/ voerts tvors(creven) vierdel wijng(ar)ts bliven possesseren(e) en(de) gebruyken(e)/ gelijc sine(n) and(ere)n erve sond(er) voerd(er) recht opde goede te v(er)sueken/ en(de) sond(er) de(n) selve(n) gorise hem totte(n) selve(n) goeden alsd(an) vandan voirtaen/ enich rechts te v(er)mete(n) en(de) te des(er) meyni(n)ge(n) sal de vors(creven) guedi(n)ge/ brief ond(er) scepen(en) bliven liggen(de) sond(er) argelist cor(am) eisd(em)