Allen den ghene(n) (et)c(etera) burg(er)meeste(re)n (et)c(etera) saluyt met kennissen der/ waerh(eit) doen te weten(e) dat opden dach van heden voir ons come(n) es in/ p(ro)pren p(er)soene clemencie van hazenberghe weduwe stevens wijlen meys/ ende heeft in ald(er) best(er) forme(n) ende manie(re)n soe dat nae recht best/ mach diene(n) ende behoe(re)n gheconstitueert geordineert ghesedt ende met/ volcomend(er) macht ende auctoriteyt ghemechticht mathijse boydens hue(re)n/ na(tur)lijken zone ende lambrechte meys hue(re)n ghetrouden zone ende elken van/ hen besunder o(m)me alle de goede ende p(ro)fijten der selv(er) chijsen renten erfpachte(n)/ ende schulde(n) der voirs(creven) clemencien toebehoren(de) te loven(e) te dyest ende elswair/ bynne(n) den lande van brabant ghelegen ende men huer schuldich es oft/ naemaels wesen sal te manen teysschen op te bue(re)n ende tontfanghen aen/ wat goiden oft p(er)soene(n) oft te wat steden het sij te dyest oft elde(r) dat dat/ sijn mach dair voe(r) te panden(e) te dagen(e) te beleyden(e) ende rastemente te/ doen leggen(e) oft and(er)ssins soe dat nae recht vand(er) plaetssen dair dat/ ghebue(re)n [en(de)] behoren soude moghen te p(ro)cederen(e) ende op dats noot ghebuerde [wae(re)]/voir alle rechte(re)n hoe sij [sp(eci)alijker] voir de tgherichte ind(er) stad van diest [en(de)] alle ande(re) [richte(re)n] ghestelic/ oft weerlick met rechte te vervolgen(e) te beantw(er)den(e) te bescudden(e) ende/ te bedinghen(e) die te wynnen(e) ende te verliesene composicie ende mynlijke/ yffeneninghe d(aer) af te maken(e) den schulde(re)n van des sij oft e(n)nich van/ hen ontfanghen sal quijt te schilden(e) en(de) quijtan(cie) te geven(e) Ende vortaen/ g(ene)ralick en(de) sp(eci)alick allet ghene d(aer) inne te doene ende te vorderen(e) dat/ de voirs(creven) clemencie selve soude moghe(n) doen wart dat sij tege(n)w(er)dich en(de)/ voir oeghen wae(re) p(ro)mittens rat(um) due(re)nde dese p(ro)cur(atie) en(de) mechtich(eit)/ totten wed(er)roepen(e) der vors(creven) clemencie(n) en(de) niet lange(r) cor(am) oud(erogghe) burg(imagistro)/ g(odefrido) roelofs vos scab(inis) febr(uarii) xxvii