Allen den ghenen (e)t(cetera) burg(er)meest(ere)n scep(enen) en(de) raid der stad van loven(e) saluyt/ met kennissen der wairheit doen te weten(e) dat op den dach van heden voir ons/ come(n) es in p(ro)pre(n) p(er)sone jan vander motte(n) zone wijlen claes van ryllair en(de)/ heeft in ald(er) best(er) forme(n) ende manie(re)n soe dat nae recht best mach diene(n) en(de) behoe(re)n/ gheconstitueert geordineert ghesedt en(de) met volcomend(er) macht en(de) auctoryteit gemechticht/ tyeboute steenweeghe bode des(er) [stad van lov(en)] om alle alsulken goide ende p(ro)fijten der selv(er) chijsen rinte(n)/ verpachte(n) [...?] ende schulden den voirs(creven) janne toebehoren(de) te ha(n)nuyt [en(de) d(aer) omtrent] ende elswair bynne(n)/ den lande van brabant ghelegen ende men hem schuld(ich) es oft naemaels wesen sal/ te mane(n) teysschen op te bue(re)n ende tontfanghen aen wat goiden oft p(er)soene(n) oft te/ wat steden oft plaetssen dat dat sijn mach dair voe(r) te panden(e) te dagen(e) te beleyden(e)/ ende rastemente te doen leggen(e) nae gewoente ende costume vand(er) plaetssen dair/ dat behoe(re)n sal oft behoere(n) soude mogen te p(ro)cede(re)ne Ende op dats noot gebuerde/ voir alle richte(re)n geestelick ende weerlick met rechte te vervolgen(e) te v(er)antw(er)den(e)/ te bescudden(e) ende dte bedingen(e) die te wynnen(e) ende te v(er)liesene composicie ende/ mynlijke yffeninghe dair af te maken(e) den schulde(re)n van des hij ontfanghen sall/ quijt te schilden(e) ende quijtan(cie) te geven(e) ende de omberuerlijke goide Ende vortaen/ g(e)n(er)alick ende sp(eci)alick allet ghene dair inne te doene ende te vorderen(e) dat/ de voirs(creven) jan vand(er) motten selve soude moghen doen indien dat hij selve/ dair tegew(er)dich wae(re) P(ro)mittens rat(um) due(re)nde de voirs(creven) p(ro)curacie/ ende mechticheit totten wederroepe des voirs(creven) jans ende niet langhe cor(am)/ ouder(ogghe) burg(imagistr)[o] g(odefrido) roelofs berthem m(ar)tii iiii[ta]