It(em) h(er) jan gordiden meest(er) jan va(n) gronsselt de jonghe canoneke(n) d(er)/ kercken van sinte peet(er)s te loven(e) lodewijc roelants en(de) tielma(n) va(n)/ scoene(n)b(er)ghe alle als kerckmeest(ere)n d(er) kercke(n) va(n) s(in)te peet(er)s te loven(e) va(n)/[wegen der selver kerke(n)] in deen zijde pauwels va(n) goetsenhoeve(n) en(de) jan crauwels beide/ tymm(er)liede in dande(r) zijde in p(rese)ncien d(er) scepen(en) van loven(e) gestaen sijn/ met malcande(re)n ov(er)come(n) en(de) eenswerde(n) de vurwerde(n) pointe(n) en(de) (con)dicie(n)/ hier nae v(er)volgen(de) aengaen(de) d(er) ty(m)meri(n)gen vanden drie capelle(n)/ staen(de) boven den koore va(n) sinte peet(er)s kerke(n) vors(creven)tegen d(er) stat huys [boven de capelle meest(er) jan ostoenijs]/over naest den viere [capelle(n) ald(aer)] die met huyvens gemaect sijn welke d(aer) af/ de vors(creven) pauwels en(de) jan pauwels crauwels geloeft hebben de ty(m)meri(n)ge/ va(n) dien aengegaen sijn en(de) d(aer)toe tot hue(re)n beide geloeft hebbe(n) te/ leverene alle hout d(aer) toe behoeven(de) op alle vurw(er)d(en) en(de) (con)dicie(n)/ h(ier) nae v(er)volgen(e) en(de) thout te leve(re)n en(de) te make(n) op den steeck als/ h(ier) ond(er) v(er)cleert steet Inden iersten soe sulle(n) de plate(n) sijn v duyme(n)/ dicke en(de) alsoe breet als sij behoeve(n) It(em) de gotier boeme(n) va(n) v dumen/ en(de) va(n) sevene(n) dume(n) en(de) dand(er) werck nae inhoude(n) vande(n) and(ere)n ouden/ capelle(n) vande(n) selve(n) steke en(de) groette dat douwe capelle(n) sijn die/ huyven hebben en(de) af cappen nae inhoude(n) der nuwe(n) capelle(n) tege(n)/ die gelasen vinste(re)n en(de) oic af cappen jegen die streenien alsoe die/ nuwe capelle(n) sijn It(em) sulle(n) voert de vors(creven) pauwels en(de) jan crauwels/ make(n) die croepels acht(er) die streene(n) en(de) desgelijx die vloegels/ aendie gottier boeme(n) tussche(n) beide en(de) die goeten afcleeden datmense/ met scaelge(n) decke(n) mach en(de) voirt op dinde vande(n) gotier boeme(n)/ plate(n) legge(n) drie duyme(n) dicke en(de) alsoe breet als sij behoeve(n)/ It(em) sulle(n) desgelijx voert de selve pauwels en(de) jan crauwels leve(re)n/ die voet latte(n) vorst latte(n) en(de) ande(re) latte(n) alsoe v(er)re alsme(n) die behoeft/ sond(er) fout en(de) al va(n) goede(n) getidege(n) houte En(de) dit vors(creven) werc hebbe(n)/ geloeft de vors(creven) pauwels en(de) jan crauwels ind(ivisim) de(n) vors(creven) kerckmeest(eren)/ te volmake(n) en(de) te leve(re)n te wete(n) deen capelle vande(n) drie capelle(n)/ vors(creven) te bamisse naestc(omende) en(de) dand(er) ii capelle(n) te paessche(n) d(aer)nae/ sond(er) fraude en(de) argelist H(ier) af es borge des vors(creven) pauwels en(de)/ jan crauwels als pr(in)cipael sculde(re) jan gielijs geheete(n) zoete(n) ty(m)m(er)ma(n)/ et p(ri)mi duo cor(am) g(odefrido) roelofs vost m(ar)tii xxix