Cont zij alle(n) lieden dat een deilinghe en(de) sceidinghe gesciet ende/ gemaect sijnde tusschen m(ar)grieten galentijns in deen zijde janne/ leemans katlinen galentijns sinen wijve suster der vors(creven) m(ar)grieten/ peete(re)n yecke en(de) lijsbetthen galentijns sinen wijve oic suster der/ vors(creven) gesuste(re)n in dander zijde vanden goeden hier nae bescr(even) hen/ gebleven vand(er) doot wijlen frissens galentijns en(de) m(ar)grieten vand(er)/ grecht sijns wijfs vad(er) en(de) moed(er) der vors(creven) gesust(ere)n te deilene/ Te wetene van eene(n) huyse en(de) hove met eene(n) beemdekene d(aer)/ toebehoe(re)nde geheten suydelinghe en(de) mette(n) and(ere)n hue(re)n toebehoerte(n)/ voe(r) en(de) achter gelegen opden blauwenputte tusschen de goede henrix/ van valkenborch en(de) de goede jans de scepere op de zijde t(er) capelle(n)/ vand(er) heilig(er) drievuldicheit op deen zijde en(de) goede symoens de/ scepere op de zijde te loeve(n)wert op dand(er) zijde hem strecken(de) den/ vors(creven) beempt achterwert tot aende goede des heilichs geests van s(in)te/ peet(er)s te loeven(e) Soe es bleven en(de) gevallen der vors(creven) m(ar)grieten/ galentijns in huer(er) deilinghe de coekene vanden vors(creven) huyse/ mette(n) coestalle mette(n) ovene en(de) metten spindekene d(aer) toebehoe(re)nde/ en(de) met eene(n) gedeelte vande vors(creven) hove en(de) met eene(n) gedeelte/ vanden vors(creven) beemdekene gelege(n) tusscen dande(r) gedeelte vanden/ vors(creven) goeden Dwelc den vors(creven) janne leemans katline(n) sine(n) wijve/ peet(ere)n yecke en(de) lijsbetthen sine(n) wijve in huer deilinge gevallen/ is in deen zijde en(de) de goede symoens de scep(er)e en(de) henrix van/ valkenborch in dande(r) zijde Te weten tgedeelte dat gelegen is/ op de zijde te loeven(e) wert sond(er) wech en(de) sond(er) gebruyc van weege/ oft van gaene oft van kerene keeren ov(er) enige goede dan over/ huers selfs goede te hebbene oft te behoudene in enig(er) manie(re)n/ gelijc dat selve gedeelte vanden ande(re)n gedeelte d(aer) ande(re)n p(er)soenen vors(creven)/ met zeke(re)n palen en(de) tekenen v(er)sceiden en(de) afgepaelt es met/ sulk(er) vurwerden en(de) (con)dicien dat de voirs(creven) m(ar)griete op hue(re)n cost tussce(n)/ de vors(creven) huer goede en(de) de goede h(ier) nae bescr(even) den vors(creven) ja(n)ne leemans/ katline(n) sine(n) wijve peet(ere)n yecke en(de) lijsbetthen sine(n) wijve [hen] in huer(er) deili(n)ge(n)/ gevalle(n) sijnde sal doen maken een gestijpte ind(er) hoeghden van vii voeten va(n)/ op den hoeck van hue(re)r vors(creven) coekene(n) soe ned(er)waert gaen(de) tot op den
//
pael ald(aer) staen(de) d(aer)mede hue(re)r beid(er) goede deen vande(n) ande(ere)n v(er)sceiden sijn/ sulle(n) en(de) blive(n) en(de) dat [op hue(re)n cost] gestijpte ten coste d(er) selv(er) m(ar)griete(n) tot ewigen/

dagen in goeden state en(de) wesene gehouden eend(er) tot ewigen daghen/ It(em) es bleven en(de) gevallen den vors(creven) ja(n)ne leemans katline(n) gale(n)tijns/ sinen wijve peet(ere)n yecke en(de) lijsbetthen galentijns sine(n) wijve te same(n)/ in huer deilinghe tvors(creven) huys mett(er) came(re)n d(aer) boven staen(de) gelege(n) naest/ d(er) vors(creven) coekenen [en(de) coestalle] mits eene(n) stuc erfs totte(n) selve(n) woenhuyse behoe(re)nde/ alsoe lange en(de) alsoe breet als tselve huys es gelijc tselve stuc/ erfs gelegen es tusscen tselve huys op de [zijde] t(er) vors(creven) capelle(n) wert aen deen/ zijde en(de) [tusce(n)] dande(r) goede die d(er) vors(creven) m(ar)griete(n) gevallen sijn in deilinge(n)/ aen dand(er) zijde It(em) dand(er) gedeelte vanden vors(creven) hove en(de) vande(n) vors(creven)/ beemdeke(n) gelijc tselve gedeelte vande(n) selve(n) hove en(de) beemdekene/ gelegen is op de zijde t(er) capelle(n) wert tusschen dand(er) gedeelte dat/ d(er) vors(creven) m(ar)grieten in huer(er) deilinge(n) gevalle(n) is aen deen zijde en(de) de/ goede henrix van valkenborch en(de) jans de scep(er)e aen dand(er) zijde/ gelijc de tselve gedeelte vanden selven goede vanden and(ere)n gedeelte/ d(er) vors(creven) m(ar)grieten met zeke(re)n palen en(de) tekenen v(er)sceiden en(de) afgepaelt/ is Ende is in des(er) deilinghen tusschen den vors(creven) p(ar)tije(n) ond(er)sproken/

en(de) bevorwert vurwerde in des(er) deilinghen dat die oeftboeme staen(de)/ op elx erve en(de) ov(er) dande(r) erve hangen(de) sullen mogen alsoe blive(n)/ staen(de) Behoudelic dat een iegelijc vanden selven p(ar)tijen hebben/ en(de) behouden sal den afval van allen de oefte dwelc jairlix op/ sijn erve vanden ov(er)hange valle(n) sal Uutgesceid(en) alsme(n) doeft leest/ dat dan elken van hen tgeheel oeft van sine(n) boeme(n) volgen sal/ niet wed(er)staen(de) doverhanghen vanden selve(n) boeme(n) oft vande(n) tacke(n)/ d(er) selv(er) m(air) vanden boeme(n) staen(de) inden rechten reen sal elk(er) p(ar)tijen d(er)/ vors(creven) m(ar)griete(n) d(aer)af volgen deen derdel en(de) dande(r) [twee] derdele den vors(creven)/ ja(n)ne leemans katlinen sinen wijve en(de) pete(re)n yecke en(de) lijsbetthen sinen/ wijve Es voirt ind(er) selv(er) deilinghen ondersproken en(de) bevorwert dat de/ vors(creven) p(ar)tijen allen den chijs en(de) co(m)mer uuten vors(creven) geheelen goeden gaen(de)/ ten behoudeliken tijden gelden en(de) betalen sullen te weten de vors(creven) m(ar)griete/ deen derdel d(aer) af en(de) de vors(creven) jan leemans kat(li)[ne] sijn wijff peet(er)/ yecke en(de) lijsbeth sijn wijff dande(r) twee d(er)dendeele d(aer)af [en(de) als des(er) vand(er) goede va(n) sine(n) ge chijse en(de) co(m)me(re)n scadeloos houden en(de) ontheffen] en(de) voe(r) / de betalinghe vanden selven chijse en(de) co(m)me(r) ind(er) manie(re)n vors(creven) te betalene/ en(de) ontheffene voirs(creven) Soe hebben de vors(creven) p(ar)tijen bij orlove
//
Soe hebben de vors(creven) p(ar)tijen bij orlove she(re)n vanden gronde elc den/ and(ere)n sijn gedeelte vors(creven) behoirlic v(er)obligeert en(de) tond(er)pande gesedt/ en(de) dese delinghe ald(us) behoirlic gesciet sijnde hebben geloeft de/ vors(creven) p(ar)tijen ongesund(er)t en(de) onv(er)sceiden malcande(re)n vast gestentich/ en(de) onv(er)brekelic te houden en(de) te voldoene elc op des and(er)s ge/ delte behoirlic v(er)tijende en(de) altoes h(ier)af genoech te doene waert/ dat hen yet te nauwe gesciet wae(re) alsoe dat elken va(n) hen/ voir hem sine(n) erve(n) en(de) naecomelingen vast en(de) zek(er) sijn moge/ tot ewigen daghen cor(am) g(odefrido) roeloffs meldert fer(ia) s(ecund)[a] p[(ost)] q(ua)si/

mo(do) vide(licet) april(is) die x[a] te wete(n) smaend(aechs) nae beloken(en) paessche(n)