Cont zij allen lieden dat h(er) jan vanden paenhuyse prieste(r) als rectoer der vand(er)/ zielmessen outaer van ons(er) liev(er) vrouwen outair ind(er) kerke(n) van ons(er) liever/ vrouwen te cortbeke overdile in p(rese)ncien d(er) scepen(en) van loeven(e) gestaen heeft/ uutgegeve(n) en(de) bekint dat hij uutgegeve(n) heeft he(re)n henricke de smit p(rie)ste(r)/ p(ro)chiaen d(er) selver kerken alle de lande en(de) beemde mett(er) thiend(en) den vorscr(even)/ outare toebeho(r)ende ind(er) vors(creven) p(ro)chie(n) gelege(n) metgad(er)s iiii mol(evaten) rox de(n)/ selve(n) outare toebeho(r)ende staen(de) op zeke(r) gronde va(n) erve inde selve p(ro)chie/ gelege(n) clase va(n) thiene(n) toebeho(r)ende Te houden en(de) te hebbe(n) va(n) half/ meerte naestcomen(de) eene(n) t(er)mijn va(n) ix jare(n) lanc du(r)ende deen nae dand(er)/ sond(er) middel volgen(de) op de vurwerd(en) en(de) (con)dicie(n) h(ier) ond(er) bescr(even) Te wete(n)/ dat de vors(creven) h(er) henric den vors(creven) t(er)mijn du(r)ende wel en(de) volcomelic en(de)/ ten behoerlike(n) dagen uren en(de) tijden alle de godlike dienste va(n) messen/ en(de) and(er)ssins totten vors(creven) outare beho(r)ende doen en(de) bediene(n) sal alsoe dat/ d(aer) inne egeen gebrec valle(n) en sal in enig(er) manie(re)n en(de) alsoe dat de/ vors(creven) rectoer d(aer) va(n) mids gebreke van dien te gheene(n) mesg(ri)pe va(n)/ yeman(de) d(aer) inne int(er)est hebben(de) gestelt en wordde En(de) voert alle(n) erf/chijse com(m)er en(de) ande(r) laste uute(n) vors(creven) goed(en) gaen(de) ten behoirlike(n) tijde(n) gelde(n)/ en(de) bet(alen) alsoe dat de vors(creven) goede d(aer) af niet bescedicht en wordde(n)/ en(de) voert betale(n) sal alle geestelike lasten dieme(n) den geesteliken he(re)n/ d(aer) af sculdich en(de) gewoenlic is te geve(n) En(de) oic jairlix den selve(n) t(er)mijn/ due(re)nde alle sint andriesdage apostels den vors(creven) h(ere)n jan(n)e vanden/ paenhuse geve(n) en(de) betale(n) een mudde t(er)we(n) en(de) xx molevate(n) rogs/ elx greyns goet en(de) paiabel met wan(n)e en(de) vede(re)n wel bereit/ d(er) maten van loven(e) en(de) te loven(e) te leve(re)n q(uolibet) ass(ecutu)[m] En(de) dat de/ vors(creven) h(er) henric tot sine(n) afsceid(en) de vors(creven) goede laten sal gelijc hij die/ bevi(n)d(en) sal tot sine(n) aencome(n) En(de) hebbe(n) geloeft de vors(creven) h(er) jan en(de) h(er)/ henric a(m)bo r(e)nu(n)c(iantes) p(ri)vileg(ii) univ(er)si(ta)[t(is)] malcande(re)n de vors(creven) vurwerd(en) en(de)/(con)dicie(n) geloeft tond(er)houdene en(de) te voldoene q(uolibet) ass(ecutu)[m] En(de) h(ier)af es/ borge des vors(creven) h(er) henrix als p(ri)ncipael sculde(r) jan va(n) dieve(n) sone/ henrix wile(n) van dieve(n) wonen(de) te cortbeke ov(er)dile welke(n) borge/ de selve h(er) henric r(e)nu(n)cie(re)nde als voe(r) geloeft heeft scad(eloes) te/ houden en(de) tontheffen cor(am) vos most aprilis xxiiii