It(em) jan vanden putte de jonghe zone jans vanden putte wonen(de) te ned(er)ijssche/ in p(rese)nc(ien) heeft ghelooft op sijn lijf en(de) op sijn goet en(de) op soenbreke en(de) peysbreke/ te zijne dat hij om negheend(er)hande zaken noch stucke(n) wille die gheschiet sijn moghe(n)/ totten daghe toe van heden tussche(n) hem in deen zijde en(de) janne den vos den jonghen/ zone jans de vos van ned(er)ijssche voirs(creven) in dand(er) zijde den selve(n) ja(n)ne vanden putte ne(m)m(er)meer/ wangunst hatye veede noch vyantscap doen noch draghen en sal hem crincken noch/ hynde(re)n aen lijf noch aen goet buyten lants daghen noch moeyen noch oic te campe/ eysschen Beken(nende) en(de) v(er)lijden(de) de selve jan vande(n) putte soe wair hij h(ier) teghen dade dat oft/ dede doen dat hij sijn soude peybreke(r) en(de) soenbreke(r) en(de) verbuert hebben sijn lijf en(de) goet ond(er)/ wat he(re)n oft gerichte hij bevonde(n) wordde behoud(elic) (et)c(etera) cor(am) tymple viceburg(imagistro) et g(odefrido) roelofs/ berthem scab(inis) maii viii