It(em) nae dien dat arnt uuter helicht na(tur)lick beclaeght hadde katline(n)/ van meerbeke weduwe willems wijlen de raet ende op heden int/ jairghedinghe der selve(r) katline(n) aensprack segghen(de) dat hij arnt/ metten voirs(creven) wijlen willem(me) hue(re)n man borghe bleve(n) was ae(n) dambacht/ vanden oude(n) cleedercoop(er)en voir eene(n) gheheeten wout(er) stroes alse vand(en)/ ambachtsgelde ende dat hij arnt met rechte dat alleene hadde/ moeten betalen segghen(de) dat de selve katline de have aenverdt/ hadde nae de doot van hue(re)n man ende dat sij dair o(m)me hem hier/ inne alse vand(er) helicht vanden ghelde te baten come(n) sal en(de) die/ betalen Dair op de voirs(creven) katline dede antw(er)den dat dat een/ ydele aensprake ware want al wart alsoe dat huer man ende/ arnt ghelijck borghe mochten gheweest sijn soe en hadde nochtan/ de selve huer man den voirs(creven) arnde niet ghelooft tontheffen(e) nocht/ vanden gheheele(n) nocht vand(er) helicht de selve arnt en hadde/ oic dat in sijnre aenspraken niet bijgheleegt Soe es ghewijst/ dat de voirs(creven) katline der aenspraken onghehouden sijn sal cor(am) roelofs/ roelofs meld(er)t berthem vos most januarii x vid(elicet) die m(ar)t(is)