Het sijn comen in rechte voir meye(r) ende scepen(en) peet(er) cauwersijns/ in deen zijde ende willem ghesellen in dander zijde ald(aer) de voirs(creven) peet(er)/ den voirs(creven) willem(me) aensprack alse vand(er) helicht van xviii lichte gul(den)/ welke helicht hem bij goede ma(n)ne(n) aengheseet was van willeme hem/ ghegheve(n) te wordden(e) voir zeke(r) recht dat hij eysschende was/ in zeke(r) goede als erfghename henricx wijlen cauwersijns bekennen(de)/ dair op ghehaven te hebben(e) drie gulden(e) ende een ort dair op de/ voirs(creven) willem antw(er)de kennen(de) dat den voirs(creven) peete(re)n bij goede ma(n)ne(n)/ hem aengheseegt was de helicht vanden xviii gul(den) voirs(creven) mair dat/ was op condicie dat de selve pet(er) den selve(n) willeme vanden voirs(creven)/ sine(n) rechte der goede voirs(creven) quijtan(cie) doen soude ende dair toe op hem/ neme(n) ende ghelove(n) te vervane zeke(r) ande(r) sijn mede erfghename(n) Te/ weten(e) gielijse box reyne(re)n box arnde gorijs janne gielijs ende henricke/ vranx welck v(er)vanghen hij alnoch niet ghedaen en heeft Ende dat sij/ hier af in rechte ghestaen hadden voir de manne van cu(m)ptich voir/ de welke de voirs(creven) willem ghetoent hadde dat de voirs(creven) uutsprake/ gheschiedde opde (con)dicie voirsc(reven) alsoe dat de selve ma(n)ne van cumptich/ doen wijsden dat sij malcande(re)n voldoen souden nae der uutspraken bieden(e)/ dese pointen te thone(n) P(rese)nterende voerts soe verre peet(er) hem de voirscr(even)/ vurw(er)dden ende uutsprake alsoe voldade hij woude hem voldoen vanden/ ghebreke der pe(n)ninghe(n) voirs(creven) Ende nae dat hier thonisse op ghehoirt/ es soe es ghewijst dat de voirs(creven) peet(er) te vroech op es o(m)me die/ pe(n)ninghen te eysschen(e) cor(am) roelofs roelofs meld(er)t vos most scab(inis)/ septemb(ris) p(ri)ma