It(em) niet wed(er)staen(de) d(er) vors(creven) guedinghe(n) d(aer) mede schijne(n) soude dat de/ dist(ri)bucie geheel bewint va(n) heffene en(de) uutgevene hebbe(n) soude/ aende rinten en(de) die te distribue(re)n aen xiii arme p(er)soene(n) ende/ and(er)ssins soe dat vors(creven) steet d(aer) en(de) aen alsulke(n) p(er)sone(n) als hen/ gelieve(n) soude soe es nochta(ns) vurw(er)de dat de vors(creven) h(er) willlem/ hen jairlix noeme(n) sal xiii arme p(er)sone de(n) welke(n) sij sculdich sijn sulle(n)/ de vors(creven) aelmoesene va(n) cledinge(n) te geve(n) en(de) als sij lake(n) d(aer) toe/ copen sulle(n) dat sij dat doe(n) sulle(n) bij rade en(de) t(er) p(rese)ncie(n) va(n) jacopp(en)/ edelh(ere)n brued(er) des vors(creven) h(er) willems It(em) sal oic de vors(creven) dist(ri)bucie/ van nu voertaen alle jae(re) he(re)n willems leve(n) due(re)nde den/ selven h(er) wille(m)me oft sinen geco(m)mitteerde(n) doen goede wettighe/ rekeni(n)ge en(de) bewijs vande(n) vors(creven) rinte(n) en(de) alle(n) and(ere)n rinte(n) va(n)/ desselfs he(re)n willems oft va(n) sijns vad(er)s en(de) moed(er)s weghe(n) comen/ sijn cor(am) eisd(em)