Allen den ghenen (et)c(etera) saluyt doen te weten(e) dat opden dach/ van heden voir ons come(n) es in p(ro)pren p(er)soene(n) jacop vanden poele/ ende heeft in alle der best(er) vormen ende manie(re)n die dat naer recht/ best mach diene(n) oft behoe(re)n gheconstitueert gheco(m)mitteert gheordineert/ ghesedt ende volcomenend(er) macht ende auctoritijt gemecht janne/ hannarde o(m)me alle die goide ende p(ro)fijten der selv(er) chijsen renten erfpachte(n)/ lijfrenten ende schulde(n) den voir(screven) jacope toebehorende te loven(en) oft elswair/ binnen den lande van brabant gheleghen ende men hem schuld(ich) es/ oft naemaels wesen sall te rege(re)n te maenen teyschen op te bue(re)n en(de)/ tontfanghen aen wat goeden oft p(er)soene(n) of te wat steden oft plaetsse(n)/ dat dat sijn mach dair voe(r) te pande(n) te daghen(e) te beleyden(e) ende/ rastemente te doen legghen(e) oft and(er)ssins soe dat nae recht vander/ plaetssen dan dat behoe(re)n sal oft behoeven soude moghen te p(ro)cede(re)n/ ende op dats noot ghebeurde van alle rechte(re)n gheestelick en(de) weerlick/ met rechte te vervolgen(e) te verantw(er)den(e) te beschudden(e) en te bedinghen(e)/ en te wynnen(e) ende verliesene composicie ende mynlijke yfffeninghe/ dair aff te maken(e) Den schulde(re)n van des hij ontfange(n) sal quijt/ te schilden(e) ende quijtan(cie) te gheven(e) ende voirtaen g(e)n(er)alick en(ne) sp(eci)alick/ allet ghene dair inne te doene ende te vorde(re)ne dat de voirscr(even)/ jacop vanden poele selve soude moghe(n) doen indien dat hij dair/ teghew(er)dich ende voir oeghen wae(r) Gheloven(de) de selve jacop in / goeden trouwen voir goet vast ghestentich onv(er)brekelick ende van w(er)de(n)/ te houden soe wes bijden voirs(creven) janne hammart ind(er) zaken voirscr(even)/ ende in des dair aen g cleeft of uutspruyten sal moghen moghen ghedaen/ en(de) ghevord(er)t zal wesen in e(n)nig(er) manie(re)n zond(er) arghlist due(re)nde/ dese p(ro)curacie totte(n) wederroepe(n) des voirs(creven) jacops en(de) niet langhe(r) cor(am)/ ouderogghe b(urgi)m(a)g(istr)[o] most vos julii vii[a]