It(em) de vors(creven) henric vande(n) putte in pr(esen)cien d(er) scepen(en) van loven(e)/ gestaen heeft geloeft voir hem sine(n) oire(n) erve(n) en(de) nacomelinge(n)/ ja(n)ne vand(er) varent sine(n) swag(er) en(de) sine(n) nacomelinghe(n) dat hij/ henric vors(creven) uut sine(n) goeden h(ier) nae bescreve(n) daer [inne] hij opde(n) dach va(n)/ heden tege(n)biden vors(creven) ja(n)ne sine(n) zwag(er) op heden v(er)crege(n) heeft gegoet/ is te weten uut eene(n) gedeelte vanden geleghe dat wile(n) toebehoerde/ roelove wile(n) vand(er) vare(n)t vad(er) des vors(creven) jans gelege(n) op de(n) blau/ we(n)putte tussce(n) de goede pauwels de pape opde zijde ten/ baenhoevel wert aen deen zijde end(de) streetke(n) ald(aer) te loeve(n)wert/ aen dand(er) zijde Te wete(n) es den hoff gelege(n) tussche(n) tvors(creven) streetke(n)/ en(de) den doerganc gaende vand(er) poerte(n) vande(n) groete(n)hove t(er) groet(en)/ schue(re)n wert tsame(n) mett(er) selv(er) poerte(n) en(de) doerga(n)ge en(de) met/ eene(n) gedeelte vand(er) schue(re)n en(de) mette(n) hove d(aer) acht(er) strecken(de) ind(er)/ breidden ten goeden wert aen m(ar)griete(n) vand(er) vare(n)t sust(er) svors(creven) jans/ also breet als tselve gedeelte vand(er) schue(re)n is te wete(n) den/ dersch vloer mett(er) zijde(n) vand(er) schue(re)n gelege(n) te loeve(n)wert en(de) oic/ mett(en) cleind(er) schue(re)n op tselve gedeelte staen(de) vande(n) hove staen(de)/ benede(n) aende(n) steenwech alle jae(re) ten behoirlike(n) tijde(n) gelden/ en(de) betale(n) sal alsulke xii stuv(er)s en(de) t(er)del va(n) eene(n) stuv(er) oft/ de weerde d(aer) af erfchijs d(aer) op de vors(creven) goede den vors(creven) henricke/ biden vors(creven) ja(n)ne gewara(n)deert sijn en(de) de goede h(ier) ond(er) bescreve(n)/ desselfs jans vand(er) varent Te wete(n) de helicht va(n) eene(n) dach(mael)
//
lants gelegen op den corte(n) wech buyte(n) d(er) buyte(n) veste(n) d(er) stat/ van loven(e) naest den goeden katline(n) van valkenborch en(de)/ de helicht van eene(n) boend(er) lants gelegen op de loe naest/ den goeden d(er) selv(er) kat(li)[ne(n)] va(n) valke(n)borch vanden selven chijse/ co(m)merloes en(de) scadeloes houden en(de) ontheffen en(de) in vesticheid(en) en(de)/ meerd(er) zekerheid(en) van desen soe heeft de vors(creven) henric vande(n)/ putte de vors(creven) sijn goede gelijc hij die tege(n) den vors(creven) ja(n)ne/ v(er)crege(n) heeft bij orlove she(re)n vande(n) gronde [den selve(n) ja(n)ne] tonderpande gesett/ en(de) v(er)bonden cor(am) eisd(em)