It(em) es de vors(creven) guedinge de vors(creven) lijsbetthe(n) gedaen en(de) gesciet te/ dier meyni(n)gen dat sij de p(ro)fijten d(er) selv(er) goeden v(er)hale(n) sal mogen/ en(de) jairlix [sal] inne heffen en(de) bueren en(de) huer d(aer)aen en(de) d(aer) mede cuelen/ en(de) betalen met coste en(de) co(m)me(r) den rijd(er) erflic vors(creven) alle jai(re) als hij/ gevalle(n) en(de) v(er)schene(n) sijn sall met vurw(er)d(en) oft de selve lijsbeth/ tott(er) bewisenissen oft afquiti(n)gen vanden selven rijd(er) erflic bedwonge(n)/ wordde dat sij dan coepma(n) totte(n) vors(creven) huse sueken mach en(de) hem/ d(aer) af behoerlike guedingen doen en(de) huer aende pe(n)i(n)gen d(aer) af/ comen(de) ontheffen en(de) lossen vand(er) borchtochte(n) vande(n) selve(n) rijd(er)/ erflic vors(creven) met alle coste en(de) co(m)me(r) Behoudelic dat sij de ov(er)bate/ vanden pe(n)i(n)gen gehoud(en) sijn sal den vors(creven) gehuyssche(n) op te legge(n)/ en(de) te betale(n) sond(er) argelist d(aer) inne de vors(creven) gehuyssche(n) o(m)me/ dit ald(us) te gesciedene huer oppenbair (con)sent ged(ra)ge(n) hebbe(n) cor(am) eisd(em)