Want stoet en(de) tebat op v(er)staen ware(n) tusschen joese absoloens rintmeest(er)/ ons gened(ichs) he(re)n ts(er)togen in deen zijde ende ende ja(n)ne block die wyn es/ geweest des vors(creven) rintmeest(er)s va(n) sine(n) winhove en(de) goeden gehete(n) thof/ van bollaer in dande(r) zijde va(n) allen gebreken aengaen(de) d(er) pechtinge(n)/ vanden selve(n) goeden die de vors(creven) joes aende(n) vors(creven) ja(n)ne bloc meynt/ te hebbene Van welke(n) stoete hen de p(ar)tijen vors(creven) gesubmitteert
//
hebben in segge(re)n en(de) vrientlic yffene(re)n te wete(n) de voirs(creven) joes in/ goerde vanden putte en(de) de voirs(creven) jan bloc in wille(m)me de hane op/ dese vueghe dat de vors(creven) segge(re)n huer segge(n) eendrechtelic va(n) des(er)/ sake(n) en(de) des d(aer) aen cleeft elk(er) p(ar)tijen besceit ierst aengehoert uuten/ en(de) p(ro)nu(n)cie(re)n sulle(n) binnen xiiii daghen desen dage naestvolgen(de) op dat/ sijs eens en(de) va(n) accorde sijn en(de) en co(n)ne(n) sijs niet eens geworden so/ sullen sij neme(n) eene(n) ov(er)man dien sij vand(er) saken informe(re)n sulle(n) welc/ ov(er)ma(n) sijn seggen en(de) uutsprake doen sal binne(n) xiiii dagen d(aer) nae/ p(ro)mitt(ens) rat(um) cor(am) berthe(m) vos junii xxi