It(em) thomas blanckbarbe wonen(de) te genepen in p(rese)ncien der scepen(en) van loven(e)/ ghestaen heeft ghekint ende ghelijt dat hij wettelijken ende uut title van/ ghewarighen dueghdelijken v(er)coope v(er)cocht heeft andriese blancbarbe sine(n)/ zone sesse p(er)den ende ande(r) sijn beeste(n) eene(n) waghen een kerre met allen de(n)/ h(er)nassche ende ghetouwen totten waghene kerre(n) ende beesten behorende twee/ bedden met allen hue(re)n toebehoirte(n) ende alle ande(re) have ende huysraet/ het sij vliegen(de) erve oft ande(r) ghelijck de voirs(creven) thomaes die te genepen/ houden(de) ende besitten(de) es gheweest ende dair af de voirs(creven) andries reael/
//
ov(er)leveringhe vanden selve(n) thomase sine(n) vader aenverdt ende/ ontfanghen heeft ende dit voir eene(n) prijs ende in betalinge(n)/ van alsulken vierentwintich rinssche guld(en) dair inne de voirscr(even)/ thomaes de vader van gheleende(n) ghelde aen den voirs(creven) andriese/ sine(n) zone wettelick ghehoude(n) en(de) verobligeert was Bekennen(de)/ hem de voirs(creven) thomaes mits den voirs(creven) coepe inde voirs(creven) goede/ gheen recht te hebben(e) noch te behouden(e) in ennig(er) manie(re)n ende/ den selve(n) andriese altijt dair af ghenoech te doene ende van dien/ teghen eene(n) yeghelijken gherecht warant te zijne cor(am) vos most/ no(vem)[b(ris)] xxvi