SAL8140, Act: R°119.1 (212 of 468)
Search Act
previous | next
Act R°119.1  
Act
Date: 1470-12-07

Transcription

2020-09-10 by Dominique Van Daele
It(em) nae dien dat lijsbeth weduwe willems wile(n) gruenwout met/
rechte opden wissel alhier gesedt hadde xix rijd(er)s om d(aer) mede afte/
quitene alsulke(n) rijd(er) erflic vallen(de) v dage in ja(nua)[rio] met volle(n) rinte(n)/
va(n) eene(n) jae(r) als henric(us) sceyma(n) in sine(n) iersten stoele v(er)crege(n) hadde/
op huys en(de) hof der vors(creven) lijsbetthe(n) toebehoe(re)nde gelege(n) opde biest/
o(m)me den selve(n) he(n)ric(us) die pe(n)ni(n)ge te volgen(e) soe wa(n)neer hij/
met ja(n)ne en(de) marie(n) sine(n) kinde(re)n die hij va(n) sine(n) ierste(n) wijve/
behoude(n) heeft behoirlike gued(ing)[e] en(de) vestich(eit) gedae(n) soude hebben/
En(de) de vors(creven) henric(us) t(er) eenre en(de) de vors(creven) lijsbeth t(er) andre zijde(n) va(n)/
dien come(n) sijn voir de(n) rade vand(er) stat meynen(de) die vors(creven) he(n)ric(us)/
te gestane met die(n) dat hij en(de) ja(n)nes sijn sone nu xvi jair out/
sijnde guedinge soude(n) doen vande(n) vors(creven) rijd(er) erflic en(de) beide gelove(n)/
te v(er)vane d(er) vors(creven) marie(n) noch ond(er) huer mu(n)dige sijnde d(aer) aff/
de vors(creven) lijsb(eth) de (contra)rie meynde dat hij d(aer) mede niet gestae(n) en soude/
moge(n) gemerct dat die vors(creven) marie tot hue(re)n dage(n) come(n) sijnde/
niet wed(er)staen(de) d(er) gelufte(n) van v(er)vane vors(creven) huer recht va(n) hue(re)n/
gedeelte nae doot huers vad(er)s vors(creven) met rechte soude mogen/
hebbe(n) sond(er) d(er) vors(creven) lijsbethe(n) huer mett(er) vors(creven) geluft(en) va(n) v(er)vane/
te moge(n) behulpe(n) opde(n) p(er)soen svors(creven) he(n)ric(us) oft ja(n)nes sijns soens/
in gevalle oft sij alsd(an) aflivich wae(re)n worde(n) en(de) soude hue(r) d(aer)/
o(m)me behoe(re)n een ontsterflike(n) borge te hebbe(n) soe es get(er)mineert/
dat de vors(creven) he(n)ric(us) met ja(n)ne sine(n) sone va(n) sine(n) voirbedde/
gued(ing)e doen sal vande(n) rijd(er) vors(creven) en(de) de selve he(n)ric(us) en(de) sijn sone/
indien v(er)vaen marie(n) vors(creven) En(de) voirt datme(n) de vors(creven) pe(n)ni(n)ge/
aenlegge(n) sal t(er) lijftocht(en) te(n) live ja(n)nes en(de) marie(n) vors(creven) behoud(elic)/
den vad(er) d(aer) inne sijn heffen en(de) dat de brieve va(n) dien sulle(n)/
blive(n) ligggen(de) ond(er) de wet alhier tott(er) tijt toe de vors(creven) marie/
tot hue(re)n mondige(n) dage(n) come(n) sal sijn en(de) guedinge vande(n)/
vors(creven) rijde(r) behoirlic gedae(n) sal hebbe(n) Tot dier meyni(n)ge(n) op de/
vors(creven) lijsbeth enich gebrec hadde vande(n) voldoene d(er) gelufte(n) va(n)/
v(er)vane vors(creven) dat sij dat gebrec sal moge(n) v(er)hale(n) aende lijftochte/
vors(creven) En(de) oft die selve lijftochte hie(re)n bi(n)ne(n) geq(ui)te(n) worde datme(n) de/
pe(n)ni(n)ge va(n) dien wed(er)o(m)me aenlegge(n) sal in gelike lijftochte(n) te(n)/
selve(n) live(n) en(de) de brieve va(n) die(n) legge(n) ond(er) wet tot alle d(er) meyni(n)ge(n)/
en(de) manie(re)n vors(creven) alsoe menichwerf dat dat gebuerde Actu(m) cor(am)/
jud(oco) abs(oloens) vice burg(imagistro) goess(en) tybe burg(imagistro) et aliis de (con)silio dec(embris) vii
Contributorskristiaan magnus
Moderated bykristiaan magnus
Last update: 2018-08-13 by The Administrator