It(em) wout(er) van proetheghem wonen(de) te zevento(m)men in p(resen)cia heeft ghelooft/ janne gielijs gheheeten zoeten ende denijse edelhee(re) elken van hen en(de) elcx/ goede van hen schadeloes ende costeloes te houden(e) ende tontheffen(e) van/ alsulken i(½) rijder lijft(ocht) ten live joffr(ouwe) yden van quaderebbe beghine ende/ katline(n) switten docht(er) wijlen mathijs dair inne de voirs(creven) wout(er) van/ protheghem als p(ri)ncipael ende de voirs(creven) jan ende denijs met wijlen/ gielijse van udekem ende janne wijlen van schaetbroeck als borghen/ desselfs wout(er)s met scpenen(en) brieve(n) van loven(e) vand(en) dat(um) xiiii[c] lv[tich]/ drie daghe in junio ghehouden sijn ende de selve lijfpens(ien) te lossen(e) en(de)/ af te quijten(e) met vollen pachte Te weten(e) den halve(n) rijd(er) dair af opde(n)/ derden dach van junio naestcomen(de) eene(n) halve(n) rijd(er) dair af bynne(n) jairs/ d(aer) nae ende den ande(re)n halve(n) rijd(er) d(aer) af bynne(n) jairs d(aer) nae alsoe/ dat de voirs(creven) jan ende denijs d(aer) af in hue(re)n p(er)soen ende goeden ontlast/ ende onthaven sijn zullen en(de) blive(n) Ende want de selve jan ende denijs uut/ ocsuyne vander selv(er) lijft(ocht) alse van verloepen(en) pachten der selv(er) voir den voirs(creven)/ woute(re)n v(er)leet ende betaelt hebben de su(m)me van seven(en) gul(den) rijder/ ghelijck de vors(creven) wout(er) dat bekent heeft soe heeft de selve wout(er) die den/ selve(n) janne ende denijse wed(er)o(m)me ghelooft uut te reyken(e) en(de) te betalen(e)/ Te weten(e) deen helicht d(aer) af opden derden dach van junio dat sijn sal int/ jair van lxxiiii ende dand(er) helicht bynne(n) jairs dair nae volgen(de) q(u)[o](libet) ass(ecutu)[m]/ Ende voir al des voirs(creven) es sijn borghen des voirs(creven) wout(er)s als p(ri)ncipael/ schulde(re)n onghesund(er)t ende onv(er)scheyden ende elck voir al katline spapen wonen(de)/ te zevento(m)men vors(creven) maerte desselfs wout(er)s ende steven roibloet wonen(de) te/ meerbeke bij ev(er)sberghe Et p(rim)[(us)] ende de voirs(creven) katline heeft voort ghelooft/ den voirs(creven) steven(e) schadeloes tontheffen(e) cor(am) absoloens vos dec(embris) xiiii