SAL8140, Act: R°223.1 (382 of 468)
Search Act
previous | next
Act R°223.1  
Act
Date: 1471-04-25

Transcription

2021-04-23 by Dominique Van Daele
It(em) t(er) meerder vestich(eit) p(er) den voirg(enoemde) p(er)soene(n) ende elke(n) van hen besund(er)t/
van des voirs(creven) steet te doene soe sijn bij handen jaspar claes vorst(er)s/
te loven(e) vanden voirs(creven) ja(n)ne thijs den voirs(creven) arnde van beringhe(n) tot behoef/
als vore in handen ghesedt ende v(er)obligeert ende te pande ghesedt voir/
tvoldoen der voirg(eruerde) renten de juweelen h(ier) nae besc(re)ven Te weten(e)/
xii zilve(re) schalen ende vi zilve(re) croesene wegen(de) tsame(n) xiiii m(er)ct ende/
een once Te dien eynde ghebuert in toecomen(de) tijden den voirs(creven) ghehuysschen/
joesse slanghe(n) ende katline(n) vand(er) biest oft e(n)nige(n) van hen inde voirs(creven) lijft(ocht)/
jairlijke betalinghe oft bewijsenisse der selv(er) e(n)nich ghebreck te hebben(e) dat/
sij oft ymant and(er)s recht d(aer) inne hebben(e) sijn ghebreck aen die voirg(eruerde)/
juweelen v(er)halen sal moghe(n) ende die ten prijse van juweliers/
oft gousmede(n) hen des v(er)staen(de) moghe(n) v(er)coepen met rechte v(er)coepen/
en(de) ten hoeghsten bringe(n) ende schiedt d(aer) yet ov(er) (et)c(etera) Ende oft d(aer)/
iet ghebrect (et)c(etera) Ende oft sij and(er)s dan met v(er)coepe der voirg(eruerde) juweele(n)/
v(er)nueght wordde(n) soe heeft de voirg(enoemde) arnt van beringhe(n) gelooft den voirs(creven)/
ja(n)ne thijs de voirg(eruerde) juweelen weder o(m)me ov(er) te gheven(e) ghelijck hij die/
ontfanghen heeft cor(am) eisd(em)
Contributorskristiaan magnus
Moderated bykristiaan magnus
Last update: 2018-08-13 by The Administrator