It(em) joffrouwe jehanne vander rivie(re)n wed(uwe) m(er)tens wijlen van steyvoert/ dierick van steyvoert met joffr(ouwe) alijten sgruyt(er)s sijnre wettigher/ medegesellynne(n) arnt en(de) willem van steyvoert brude(re)n/ des voirs(creven) diericx en(de) kinde(re) m(er)tens wijlen van steyvoert en(de) joffr(ouwe)/ jehanne(n) voirs(creven) Te weten(e) den vors(creven) arnde en(de) willem(me) yerst/ uut der voirs(creven) joffr(ouwe) jehanne(n) huers moed(er) broode gedaen sijnde/ sijn come(n) ende v(er)schene(n) in jegew(er)digh(eit) der scep(enen) van lov(en)/ h(ier) ond(er) besc(re)ve(n) Ende hebben gekint en(de) gelijt dat sij bij/ tusschen spreken(e) ende ond(er)wijse van hue(re)n vriende(n) en(de) maghe(n)/ in beyden zijden ende met goeder rijper voirgaend(er) deliberacie(n)/ met malcande(re)n voir hen ende hue(re)n erfgename(n) ov(er)comen/ ghetracteert ende ghesloten hebben en(de) dair af eendrechtichlijke(n)/ eens wordde(n) sijn de (con)dicie(n) en(de) vurw(er)de(n) h(ier) nae besc(re)ve(n) om die bij/ hen en(de) elken van hen hue(re)n en(de) elcx van hen erfgename(n) ende/ naecomelinge(n) ond(er)houde(n) volvuerdt en(de) voldaen en(de) onv(er)brekelijck/ onderhouden te wordde(n) tot eewigen daghen Inden yersten es/ tusschen der voirg(enoemde) joffr(ouwe) joff(rouwe) johanne(n) ter eenre zijde(n) ende de(n)/ voirs(creven) hare(n) kinde(re)n ter ande(re) zijden vurw(er)de ende compact dat/ alle alsulke(r) haeflijke goede(n) en(de) vliegenterve die de vors(creven) joffr(ouwe)/ johanne nu opden dach van heden besitten(de) en(de) hanteren(de) es en(de)/ die sij in hue(re)n weduwen stoele vercrighe(n) sal moghen dat die/ haeflijke goede ende vliegenterve met wat name die genoempt/ sijn of van welke(r) natue(re)n die sijn toebehoe(re)n sulle(n) en(de) volgen/ der selve(r) joffr(ouwe) jehanne(n) om dair mede te doene hue(re)n vryen/ eygen(en) wille Es voort vurw(er)de tussche(n) d(er) vors(creven) joffr(ouwe) jehanne(n)/ t(er) eenre diericke van steyvoert en(de) joffr(ouwe) alijte(n) sijnre huysvrouwe(n)/ t(er) ande(re) arnde van steyvoert ter derde(r) en(de) willem(me) van steyvoirde(n)/ t(er) vierder zijde(n) Dat alle omberuerlijke en(de) erflijke goede/ renten pachte(n) chijse het sij die sijn leengoede leenrente(n)/ met h(er)lich(eit) oft zond(er) h(er)lich(eit) het sij dat sijn eygen goede chijsgoede/ oft ande(re) van wat natu(re)n die sijn mochte(n) die gebleve(n) sijn/ nae die doot m(er)rtens wijlen van steyvoert vad(er) der vors(creven) gebruede(re)
//
ende oft nae de doot der voirs(creven) joffr(ouwe) jehanne(n) moed(er) der/ vors(creven) gebruede(re) v(er)schijne(n) sulle(n) ende desgelijx oic alle/ die haeflijke goede die blive(n) sulle(n) nae die doot der/ voirs(creven) joffr(ouwe) jehanne(n) dat die omberuerlijke goede/ het sijn leene eygen(en) chijsgoede oft ande(re) en(de) desgelijx/ de voirs(creven) haeflijke goede nae de doot der vors(creven) joffr(ouwe)/ jehanne(n) tussche(n) den vors(creven) diericke ende sijnre huysvr(ouwe)/ t(er) eenre arnde van steyvoert t(er) ande(re) [en(de)] willem(me) van steyvoert/ t(er) derde(re) in drie gelijke gedeelte(n) en(de) poorcie(n) tussche(n)/ hen hootsgelijke gedeylt sullen wordde(n) ende elc van he(n)/ in tderdendeel der selv(er) als erfman gericht ende/ gheint(er)esseert sal sijn Niet wed(er)staen(de) dien dat e(n)nighe/ vande(n) selve(n) gebruede(re)n inde voirs(creven) leengoede ende ande(r) goede/ voirgeruert mids oudere van ghebuerte(n) oft nae den lantrechte/ oft vand(en) plaetsen d(aer) die goede gelege(n) sijn vorde(r) dan dande(re)/ ghericht oft gheint(er)esseert soude moghe(n) sijn En(de) oic niet wed(er)staende/ dien dat de vors(creven) moeder e(n)nige(n) vanden selve(n) gebruede(re)n van/ oft uut den vors(creven) haeflijke goede(n) vorde(r) versaghe dan den/ ande(re)n met testamente ghisten oft ande(re) manie(re)n dwelc/ nochtan oft gebuerde bij testamente oft bij ghiften de selve/ gebruede(re) de selve haeflijke goede in drie gelijke porcie(n)/ deylen sulle(n) nae de doot der selv(er) moeder den testamente/ ghiften voirs(creven) niet wed(er)staen(de) En(de) es voort tussche(n) den/ selve(n) gebruede(re) vurw(er)de dat oft e(n)nighe(n) van hen bij vryen v(er)sterfte(n)/ testamente oft ghiften oft in e(n)nighe(r) ande(re)n manie(re)n vand(er) zijde(n)/ van huers vad(er)s zijde(n) oft vand(er) moed(er) zijde(n) oft ande(re) maghe(n)/ van besijden te(n)nige ande(re) goede dan voe(r)geruert sijn aenquame(n)/ oft v(er)schene(n) dat sij die goede het sij leene eygen(en) chijsgoede/ oft ande(re) te gelijke in drien deylen sullen ende die nae/ de doot van joffr(ouwe) jehanne(n) hue(re)r moed(er) t(er) deylinge(n) inbringe(n)/ metgad(er)s oic alle der lijft(ochten) deen meer hebben mach tot sine(n) live/ dan dande(re) hier inne en(de) in al dat voirs(creven) steet bevurwert
//
oft e(n)nich van hen drien aflivich wordde en(de) wettige/ ghebuerte acht(er) hem liete dat die gebuerte sal staen inde/ stad van sine(n) vad(er) zond(er) argelist Ende es voort vurw(er)de/ dat ghelijck de vors(creven) [joffr(ouwe)] joha(n)na den vors(creven) diericken in sijnen/ huwelic en(de) in huwelijk(er) vurw(er)de(n) gegeve(n) heeft xxxviii rins/ gul(den) de welke hij jairlix heffen sal der selv(er) joffr(ouwe) joha(n)ne(n) leve(n)/ due(re)nde dat oic de selve joffr(ouwe) joha(n)ne elke(n) vande(n) twee(n)/ ande(re)n gebruede(re)n als sij te huwelijke trecken sulle(n) geve(n) sal/ in huwelijk(er) vurw(er)de(n) gelijke xxxviii rins gul(den) o(m)me die/ insgelijx jairlix te heffen(e) alsoe lange de selve joffr(ouwe) jeha(n)ne/ leve(n) sal Met vurw(er)de(n) oic ond(er)sproken dat de selve/ joffr(ouwe) jeha(n)ne den voirs(creven) arnde en(de) willem(me) die nu buyten hue(re)r/brode en(de) taeffle(n) en(de) costen sijn alsoe langhe als sij dair uut/ blive(n) sullen elken van hen jairlix geve(n) sal xx rins gul(den)/ mair oft de selve arnt oft willem wed(er) o(m)me quame(n) met/ der voirs(creven) joffr(ouwe) joha(n)ne(n) t(er) woni(n)ge(n) tot hue(re)n taeffle(n) en(de) coste(n)/ dat sij dan vortaen vanden vors(creven) xx rins gu(den) jairlix/ te geven(e) ongehoude(n) sijn [sal] Mair sal den selve(n) hue(re)n kinde(re)n/ gheve(n) den montcost cleede(re) en(de) schoen nae hue(re)n staet/ Es oic vurw(er)de oft e(n)nich vanden vors(creven) drie ghebruede(re)/ meer [hadde] ghehadt in ghiften in goetdoene oft and(er)ssins van/ hue(re)r joffr(ouwe) moeder dan dande(re) dat elck van hen dat nae/ de doot der selv(er) hue(re)r moeder te deylinge(n) bringe(n) sullen/ en(de) elc van hen ten versueke des and(er)s hem dair af/ met sijne eedt purge(re)n Ende met desen (con)dicie(n) tractate(n)/ en(de) vurw(er)de(n) vorscr(even) hebben hen de vors(creven) p(ar)tijen (con)sent ghemaect/ en(de) te vreden ghestelt zond(er) voirde(r) of buyten der (con)dicien vors(creven)/ voir oft nae de doot der vors(creven) joffr(ouwe) hue(re)r moed(er) in e(n)nige/ goede meer te eysschen(e) oft recht te volgen(e) me(n)nig(er) manie(re)n/ Mair hebben gelooft elck den ande(re)n alle de vors(creven) (con)dicie(n) tractate(n)/ en(de) vurw(er)den vast gestentich ende onv(er)brekelijken te houden(e) en(de) te voldoen(e)
//
tot e(e)wigen daghen en(de) ne(m)m(er)meer d(aer) tegen te doene/ bij hen selve(n) oft by yeman(de) and(er)s het sij met rechte/ oft met fayten nocht negheen recht p(ri)vilegie/ oft vordeel dat e(n)nige(n) van hen t(er) g(ra)cie(n) soude moge(n)/ diene(n) te gebruycken(e) in gheene(n) rechte(n) geestelick/ noch weerlick in e(n)nig(er) manie(re)n Ende elck t(er) manisse(n)/ des and(er)s te comen(e) voir hove en(de) hee(re)n dair die voirs(creven) goede/ alsoe wel leengoede [als ande(re)] gelege(n) sijn En(de) elken van hen alle/ de vors(creven) condicie(n) en(de) vurw(er)de(n) alsoe met v(er)thienissen/ desgeens die d(aer) meest inne gericht soude moge(n)/ sijn de(n) ande(re)n alsoe te bevestegen(e) dat elken van/ hen ghenoech vast en(de) seker sal moge(n) sijn voir/ hen hue(re)n erve(n) en(de) naecomelingen tot ewigen/ daghen cor(am) oppend(orp) wynghe oct(obris) viii