Item nae dat weyn cole van houdert zone jans cole die m als/ gheleyt totten goeden have ende erve henricx vanden veere zone wijlen/ goessens voir tenuer van scepen(en) brieve(n) van loven(e) van eene(n) rijder/ lijft(ochten) ten live laureys voets ende katline(n) sijnre docht(er) ende ten lanxten/ leven(de) van hen beyden ende voir dacht(er)stel van iii(½) jairen hadde doen/ besc(ri)ven den voirs(creven) henricke vanden veere beatrijsen sine(n) wijve janne/ en(de) marie(n) vanden veere kinde(re)n des voirs(creven) henricx vanden yersten bedde/ die hem onghebruyck deden aen die goede h(ier) ond(er) bescreven/ Toende den voir(screven) wyene cole van sine(n) dueghdelijken ghebreke(n)/ voirs(creven) te v(er)nueghen ende de meye(r) van halen oft sijn stadhulde(r) te wynghe/ mits v(er)sueckbrieve vander stad van loven(e) dexecucie gedaen heeft/ ov(er) den voirs(creven) henricke vanden veere beatrijse sine(n) wive en(de) sine(n) kinde(re)n/ hen dach van rechte besceyden heeft voir meye(r) en(de) scepen(en) van/ loven(e) teene(n) ghenoempden daghe ghelijck die rescriptie vanden/ stadhulde(r) des voirs(creven) meyers van halen tot wynghe dat uutwijsde/ en(de) begreep Tot welken daghe noch oic op heden als op heden als/ opden naesten dach van rechte en(de) met rechte v(er)streken de vors(creven)/jan uut henrick vanden veere sijn huysvrouwe en(de) sijn kinde(re) noch/ oic yemant van hue(re)n wegen come(n) en es soe es t(er) manissen/ smeyers van loven(e) gewijst datme(n) den voirs(creven) weyne cole vanden/ voirs(creven) goeden tot sijnre schout behoef houde(n) sal in sine(n) beleyde/ alsoe verre dat noch voir hem come(n) es/ Hier nae volgen die goede d(aer) voe(r) mentie es af gemaect Inden yerste(n) huys en(de)/ hoff met sine(n) toebehoirte(n) gelegen te kyesekem tusschen die goede jans cleyn/ vrancx in twee zijden de goede des p(er)soens van kyesekem op de derde zijde en(de)/ de goede jans vanden velde van rode ende de strate op de vierde zijde It(em) (½)/ boend(er) lants gelegen opt beghijnenvelt tusschen die goede h(er) vranx gielijs/ op deen zijde ende henricke stercx op dand(er) zijde It(em) sijn recht vand(er) helicht/ wynnynghe(n) van vijf dach(mael) lants matheeuse colcx gelegen te kyesekem/ tusschen die goede lambrechts [van winge] en(de) jans vanden veere It(em) sijn recht vand(er)/ wy(n)ni(n)ghe(n) van ii halff boend(er) lants toebehoren(de) janne vanden broeke/ regenoet jan cleynvrancx en(de) lambrecht van wynghe It(em) vii stucke(n)/ horenveets iiii bedden eene(n) eeren pot i ketel een panne i schapreede xii/ scape iii verken(en) eene(n) waghen met ploeghen en(de) eeghden en(de) met/ hue(re)n toebehoirte(n) It(em) schue(r) hoy en(de) stroe
//
It(em) nae dien dat weyn cole van houdert zone jans cole gheleyt es totten/ goeden have ende erve henricx vanden veere zone wijlen goessens voir/ de tenue(r) van scepen(en) brieve(n) van loven(e) van eene(n) rijd(er) lijft(ochten) ten live/ laureys voets ende katline(n) sijnre docht(er) en(de) ten lanxte(n) leven(de) van hen beyde(n)/ en(de) iii(½) voir dacht(er)stel van iii(½) jaire(n) der selv(er) lijftochte(n) hadde doen besc(ri)ve(n)/ den voirs(creven) henricke vanden veere beatrijse(n) sine(n) wive janne en(de) marien/ vanden veere kinde(re)n des voirs(creven) henricx vanden yersten bedde die hem ongebruyck/ deden aen die goede h(ier) ond(er) besc(re)ven inden yersten huys ende hoff met beempde(n)/ eeussele(n) en(de) bog(ar)den dair toebehoren(de) alsoet ghelegen es te kiesekem tusschen