It(em) de voirs(creven) h(er) jacop t(er) eenre ende h(er) jan sijn brued(er) t(er) ande(re) zijde(n)/ hebben ghekint ende ghelijt dat de voirs(creven) obligatie spruyten(de) compt/ uut die(n) vijftich rinssche gulden(en) erflijck staen(de) opde stad van loven(e)/ die den voirs(creven) h(ere)n ja(n)ne alleene toebehoirden ende die de selve h(er) jan h(ere)n/ lodewijcke pynnoc ridde(r) sine(n) swag(er) inde bewijsenisse van sijnd(er) huwelijk(er)/ vurw(er)den ov(er)ghegeve(n) heeft dair af de voirs(creven) h(er) jacop [deen helicht] schuld(ich) was te/ dragen(e) ende dat midts der recognicie voirs(creven) ende der bewijsenissen die/ dair af gheschieden sal de voirs(creven) h(er) jacop den voirg(enoemde) h(ere)n ja(n)ne mette(n)/ voirs(creven) xxv rinssche gulden(en) erfl(icker) renten inden voirs(creven) brieve bekent voldaen/ heeft die helicht vanden voirs(creven) vijtich rinsscher gulden(en) de welke/ h(er) jacop jan den voirs(creven) h(er) lodewijken pynnoc ov(er)bewesen heeft Ende/ alsoe staen die voirs(creven) bekinde xxv rinssch gul(den) erfl(icker) renten inde/ stat vander helicht vanden voirs(creven) vijftich rinsscher gul(den) van welke(n)/ vijftich rinssch(er) gulden(en) de voirs(creven) h(er) jacop de helicht schuldich was/ te dragen(e) ende mits desen sullen h(er) jacop t(er) eenre en(de) h(er) jan t(er)/ ande(re) zijden van desen vereffent sijn en(de) blive(n) H(ier) inne nochtan/ bevurw(er)t soe wa(n)neer de voirs(creven) vijftich rinssche gulden(en) wed(er) o(m)me/ ghevallen ende v(er)schene(n) sullen sijn opden voirs(creven) h(er) ja(n)ne nae begrijp/ sijnre deylinge(n) dat dan de voirs(creven) recognicie vanden xxv rinssche/ gul(den) bij h(ere)n jacoppe vors(creven) ghedaen te nyeute sijn sal cor(am) eisd(em)