Cont sij alle(n) lieden dat also als meest(er) jan va(n) papenhove(n) en(de)/ arnoldus kyp onlanx segg(er)s en(de) mynlike yffene(re)n gecore(n) sijn/ va(n) arnde va(n) steyvoirde met he(n)ricke va(n) steyvoirde sine(n) sone/ in deen zijde en(de) va(n) ja(n)ne va(n) oevele in dande(r) zijde Op en(de) va(n)/ zeke(re)n stoote en(de) gescille tussche(n) hen wesende uut ocsuyne va(n)/ zeke(re)n gebreke(n) die de vors(creven) ierste p(ar)tije te(n) vors(creven) ja(n)ne va(n) oevele/ wert uutstaen(de) mochte hebbe(n) geloven(de) beide p(ar)tije(n) in wed(er)zijde(n)/

r(e)nu(n)cie(re)nde in dese(n) d(aer) af de vors(creven) p(ar)tijen voe(r) de univ(er)siteit va(n)/ loven(e) t(er) questie(n) geweest hebbe(n) en(de) des alle(n) die(n) aencleeft en(de)/ geloefde(n) beide p(ar)tije(n) de vors(creven) p(ar)tije(n) in wederzijde(n) r(e)nu(n)cie(re)nde in/ dese(n) alle p(ri)vilegie(n) en(de) vriheid(en) goet vast geste(n)tich en(de) va(n)/ weerde(n) te houde(n) en(de) te voldoene en(de) tacht(er)volgen(e) alle tgeen/ des bide(n) vors(creven) segg(er)s in des vors(creven) steet gep(ro)nu(n)cieert en(de) uutgesproke(n)/ sal worde(n) Soe sijn voe(r) scep(enen) va(n) loven(e) come(n) de selve/ segge(re)n en(de) bi(n)ne(n) den tijde vande(n) v(er)bonde en(de) [hebbe(n)] huer uutsp(ra)ke/ en(de) segge(n) te voe(re)n dbesceit talle(n) zijde(n) aengehoert en(de) denijs/ d(aer) op gehadt uutgesproke(n) en(de) geseeght tussce(n) de(n) vors(creven) p(ar)tije(n)/ ind(er) manie(re)n h(ier) nae volgen(de) Te wete(n) ierst vande(n) reste vande(n)/ xxvi croene(n) vand(er) hueringhe(n) vande(n) beemde(n) sal jan va(n) oevele/ den vors(creven) arnde en(de) he(n)ricke sine(n) sone oft den eene(n) va(n) hen beide(n) bring(er)/ sbriefs [betal(en)] xiiii d(er) selv(er) croene(n) en(de) d(aer) mede gestae(n) mids d(aer)/ scaden die de vors(creven) jan inde twee leste jae(re)n vande(n) watere/ gelede(n) heeft Bij also dat de vors(creven) arnt sweert dat hij/ de betalinge vande(n) leste(n) jare en(de) trest vande(n) twee crone(n) vande(n)/ voirgaen(de) jare niet gehave(n) en heeft It(em) vand(er) ploech die/ de vors(creven) jan va(n) oevele vande(n) vorg(enoemde) arnde ontfange(n) heeft/ om den beemt om te doene des niet gesciet is sal de/ vors(creven) ja(n) den vorg(enoemde) arnde [en(de) sine(n) sone] restitucie doen in sulke(n) state als die/ was oft hen d(aer) voe(r) betale(n) eene(n) peet(er) xviii stuv(er)s d(aer) voe(r) gereke(n)t/ It(em) vande(n) lijnzaede inder mate(n) va(n) eene(n) viere(n)deele dat arnt/ den vors(creven) ja(n)ne leende ten halve(n) vlasse dat v(er)brant d(aer) af sal
//
de vors(creven) ja(n) arnde restitucie doen vand(er) eend(er) helicht vande(n) zaede/ It(em) vande(n) houte dat te jonc afgehouwe(n) soude sijn geweest/ want arnt de helicht aenvert heeft dat jan va(n) die(n) eyssche/ oft gebreke ongehoude(n) sal sijn It(em) vande(n) hoeye soe v(er)re/ de vors(creven) ja(n) sweert dat hij tsine(n) afsceid(en) int hoff gelate(n) heeft/ arnts deel en(de) dat hij niet meer da(n) tsine ewech gevuert/ en heeft dat hij d(aer) mede gestae(n) sal It(em) soe v(er)re de vors(creven)/ jan sine(n) eedt doet dat hij svors(creven) arnds gedeelte vande(n) coerne/ mette(n) stroe tsine(n) afsceid(en) niet aenvert en heeft m(air) dat int hoff/ gelate(n) dat hij d(aer) mede gestaen sal It(em) vande(n) gebreke dat/ de vors(creven) jan de grechte(n) vande(n) goeden tsine(n) afsceid(en) niet behoirlic/ en heeft opgegeve(n) nae inhout d(er) vurwerd(en) d(aer) voe(r) sal jan/ de(n) selve(n) arnde betale(n) iiii rins gulden(en) It(em) vande(n) gebreke/ dat de selve jan de helicht vande(n) scape(n) oft velle(n) de(n) vorg(enoemde)/ arnde niet gelev(er)t en heeft soude hebbe(n) soe v(er)re de vorg(enoemde)/ jan sweert dat hij den vors(creven) arnde van die(n) voldae(n) heeft/ en(de) d(aer) af egeen vordeel va(n) scape(n) oft velle(n) behoude(n) dat/ hij d(aer) mede sal gestae(n) It(em) vande(n) spade te sayene int leste jair/ d(aer) af en es arnt sijns v(er)meets niet volcome(n) en(de) also sal jan/ d(aer) af ongehoud(en) sijn It(em) dat de(n) vorg(enoemde) ja(n)ne aen tgene/ des hij de(n) vors(creven) arnde mids des(er) uutsprake(n) sculd(ich) is corte(n)/ sal uut gebreke va(n) desselfs jans tabbarde iii croene(n) soe/ v(er)re de selve jan sweert dat hij [van] den tabb(ar)de va(n) iii jae(re)n ombe/ taelt is It(em) vande(n) raepbrode sal ja(n)ne oic corten va(n) iii jare(n)/ xviii stuv(er)s soe v(er)re de selve ja(n) sweert dat hij d(aer) af ombet(aelt)/ is It(em) want arnt seeght tgelt vande(n) p(er)de va(n) ja(n)ne thijs/ niet gehave(n) te hebben sal dat gelt ja(n)ne volge(n) aen sinen/ coepma(n) En(de) oftme(n) bevint dat arnt d(aer)af oft de sine d(aer)/ af iet gehave(n) hebbe(n) dat sal ja(n)ne oic corte(n) It(em) dat mits/ des(er) uutsprake(n) de vors(creven) p(ar)tije(n) in beide(n) zijde(n) va(n) alle(n) sal gesullen
//
dit voldaen tot dese(n) dage toe va(n) hede(n) sulle(n) sijn en(de) blive(n)/ geslete(n) mede v(er)enicht Ende de sake vande(n) coste(n) res(er)ve(re)n/ de segg(er)s te henw(er)ts om die va(n) p(ar)tije(n) ov(er)gehadt d(aer) inne te doene/ des hen redelic sal duncke(n) Welc segge(n) en(de) uutsprake de vors(creven)/ p(ar)tije(n) [geloeft hebbe(n)] vast en(de) gestentich te houde(n) en(de) deen den and(ere)n d(aer) af ge/ noech te doene alsoe dat hem vast en(de) genoech sijn moeghe/ cor(am) vos winghe febr(uarii) xxiiii