It(em) jan reyns zone wijlen reyners wonen(de) tsinte m(er)tens tielt heeft/ ghelooft willem(me) van donghelberghe becke(r) x(½) lichten guld(en) te x st(uvers)/ tstuck halff te bamisse naestcomen(de) en(de) halff te kersmisse dair nae volgen(de)/ te bet(alen) q(u)[o](libet) ass(ecutu)[m] alse van allen den schaerhoute cleyn en(de) groot en(de) tschaer/ hout vanden strunckeycken van eene(n) bossche bijden voirs(creven) willem(me) als/ p(ro)cur(eur) h(ere)n eemonts van donghelberghe co(m)mendeur in breda de voirs(creven) ja(n)ne/ voir den voirs(creven) prijs v(er)cocht den voirs(creven) h(ere)n eemonde toebehoren(de) gelege(n)/ te molenbeke boven der motten ende de vors(creven) jan heeft ghelooft den/ voirs(creven) willem(me) den voirs(creven) bosch te houwen(e) en(de) te ruymen(e) ten boschrechte/ ende laet eycken op dat dair e(n)nighe vallen alsoe dat behoirt ald(aer)/ te laten(e) wassen(de) Ende de voirs(creven) willem heeft gelooft den voirs(creven) ja(n)ne/ vanden voirs(creven) schaerhoute inne te stane en(de) gerecht warant te zijne/ cor(am) vos wynghe m(ar)tii ii[a]