It(em) de voirs(creven) schulde(re)n in p(rese)nc(ia) hebben v(er)cleert dat sij de voirs(creven) lijft(ocht) bekent hebben/ van weghen der bruederscap van ons(er) liev(er) vrouwen ind(er) kercken van zichen(en)/ ende dat sij de pe(n)ninghe dair af ghecome(n) bekent hebben in orber en(de) profijte/ der selv(er) bruederscap zond(er) dat sij oft e(n)nich van hen d(aer) af e(n)nich p(ro)fijt/ oft voir lijf gehadt hebben Soe eest dat sij dair o(m)me in p(rese)nc(ia) der scep(enen)/ van loven(e) gestaen elck den ande(re)n ghelooft ende toegeseet hebbe(n) oft e(n)nich/ van hen voir de voirs(creven) lijft(ocht) het ware voir de jairlijke betalinghe voir de/ assig[a]cie oft afleggen der selv(er) gepraempt oft belast wordde voirder dan elck van/ hen voir deen vierendeel dair af dat sij malcande(re)n inne staen sullen en(de) schadeloes/ ontheffen met alle coste ende co(m)me(r) hoedanich die wae(re)n cor(am) eisd(em)