It(em) de voirs(creven) arnt lambrechts heeft ghelooft joffr(ouwe) katline(n) wed(uwe)/ jans wijlen sprijkers den erfchijs van ii rinssche gul(den) ende van eene(n)/ rijder die de selve joffr(ouwe) katline jairlix en(de) erfl(ic) heeft aen en(de) op tvors(creven)/ stuck lants gheleghe(n) als voe(r) Te ghelden en(de) te betalen alle jaire/ ten behoirlijken tijden als die vallen ende v(er)schine(n) sulle(n) en(de) telken/ t(er)mijne als v(er)volghde schout gheloven(de) de voirs(creven) arnt tvoirs(creven) stuck/ lants alle jaire alsoe langhe als de voirs(creven) marie m(er)chants leven/ sal wel ende loflick te wynne(n) en(de) te werve(n) ghelijck sine(n) reghenoete(n)/ met vurw(er)den oft de voirs(creven) arnt voe(r) der voirs(creven) marien aflivich wordde/ ende dan den erfghename(n) desselfs arnts gheliefde de vors(creven) tocht vande(n)/ voirs(creven) goeden op te draghen ende der voirs(creven) marie(n) wed(er) o(m)me d(aer) inne te/ cleeden dat dan de selve erfghename(n) vanden betalinghe(n) vande(n) selve(n)/ renten onghehoude(n) sijn sullen cor(am) eisd(em)