It(em) jan busscop geheeten traen tymm(er)man heeft opgedraghe(n)/ met recht(er) vertienissen een huysken metten hove d(aer) toe behoe(re)nde/ metten ande(re)n sinen toebehoirten ghelegen in sinte qui(n)tens strate/ tusschen dande(re) goede des vors(creven) jans busscop dair bij gelegen/ aen deen zijde ende den wijng(ar)t geraerts vande(n) bossche clerx/ in dand(er) zijde houden(de) tvoirs(creven) huysken mette(n) hove ind(er) breidden/ xvi voeten ende inder linghden opde zijde ten voirs(creven) wijng(ar)de/ wert svoirs(creven) geraerts xxxviii voete ende ind(er) linghden opde/ zijde vanden vors(creven) ande(re)n goede(n) svoirs(creven) jans busscop xliii voete/ oft d(aer) omtrent ghelik(er)wijs tvoirs(creven) huysken mette(n) hove vande(n)/ voirg(eruerde) ande(re)n goeden svoirs(creven) jans met zeke(re)n palen en(de) traelgien/ bepaelt ende verscheide(n) is den voirs(creven) ja(n)ne busscop mett allen/ rechte h(ier) af uutgedaen ende met allen uutgewijst sijnde soe/ es d(aer) inne gegoet met eene(n) erfliken rechte geraert vanden/ bossche voirscr(even) bij orlove ende manissen she(re)n vande(n) gronde/ ende wijsdo(m)me der scepen(en) opde erfvurwerde(n) ende condicien/ h(ier)ond(er) bescreve(n) inden yersten dat de voirs(creven) jan busscop sinen/ osiendrup ende wat(er)val van sinen huyse ald(aer) gelegen tewighe(n)/ daghen hebben en(de) behoude(n) sal op ende ov(er) de voirg(eruerde) goede des/ voirs(creven) geraerts die hij als nu teghen den voirs(creven) ja(n)ne vercreghe(n)/ heeft gelijc hij dien selve(n) osiendrup ende wataerval ald(aer) opden/ dach van heden heeft ende houden(de) es t(er) minst(er) schaden ende/ oic dat dwater comen(de) uuten lavoere des voirs(creven) jans hangen(de)/ in sijnre coekene(n) ald(aer) sinen lijt ende ganck hebben sal doer/ dwat(er)steenken ald(aer) gelege(n) op ende ov(er) de selve goede svors(creven)/ geraerts sond(er) ald(aer) buyten den selve(n) sinen huse ende goeden/ op desselfs geraerts erve and(er)ssins e(n)nich recht te hebben(e) oft/ te behoude(n) in e(n)niger manie(re)n It(em) dat de voirs(creven) geraert opden/ voirs(creven) hoff dien hij alsnu v(er)creghen heeft niet en sal moege(n)/ ty(m)me(re)n naerde(r) den goeden svoirs(creven) jans dan hij nu es d(aer) mede/ dat hij dliecht van des selfs jans goeden e(n)nichsins soude/ moghen benemen oft verdoncke(re)n It(em) es voirt vurw(er)de oft den/ voirs(creven) gerarde in toecomen(de) tijden tvoirs(creven) sijn huysken geliefde/ af te breken ende de plaetse van dien wed(er)o(m)me geliefde/ te bety(m)me(re)n dat hij dat sal moeghen doen ende de ty(m)meringe/ van dien alsoe hoeghe ende neder als hem dat sal gelieve(n)/ hechten ende vesten aen op en(de) in de ty(m)meringe vande(n) goede(n)/ des voirs(creven) jans ald(aer) gelegen sonder enich wedersegghe(n) desselfs
//
jans behoudelic soe wes de voirs(creven) geraert mids dien aen des/ voirs(creven) jans goeden brake dat hij dat wed(er)o(m)me sal doen maken/ ende r(e)p(ar)aren sond(er) cost desselfs jans ende waert dat tsake/ dat den voirs(creven) gerarde in tghene dat voirs(creven) steet iet te nauwe/ ghesciet wae(r) dat heeft de voirs(creven) jan busscop gheloeft den voirs(creven)/ gerarde tot sijnre manissen te voldoene ende de voirs(creven) goede/ op eene(n) d(enier) borsgelts alse op alle(n) lasten letselen co(m)me(re)n en(de)/ calangie(n) voirtdaen te warande(re)n alsoe dat den voirs(creven) gerarde vast/ ende zek(er) sijn moghe Ende o(m)me den voirs(creven) gerarde vand(en) voirs(creven)/ gheluften van waerscape meerd(er) vestich(eit) te doene soe heeft de/ voirs(creven) jan busscop in title van wettighen ond(er)pande bij orlove sh(ere)n/ vanden gronde v(er)obligeert ende te pande ghesedt twee huyse neve(n)/ een gheleghe(n) met hue(re)n hoven ende ande(re)n toebehoirte(n) gelegen/ in sinte qui(n)tens strate naest den voirscr(even) goeden svoirs(creven) gerarts die/ de selve geraert tegen den voirs(creven) ja(n)ne vercregen heeft Et sat(is)/ de subpigno(r)e cor(am) vos wynghe dec(embris) iiii[ta]