SAL8140, Act: V°230.4-R°231.1 (393 of 468)
Search Act
previous | next
Act V°230.4-R°231.1  
Act
Date: 1471-05-04

Transcription

2021-05-05 by Dominique Van Daele
It(em) heeft de voirg(enoemde) katline gederft de tocht vanden gheheelen huyse/
en(de) die ov(er)gegeve(n) en(de) ov(er)gegoedt den voirs(creven) bastijne hue(re)n zone tot sulk(er)/
meyninghen dat de selve bastijn de gheheel tocht vanden selve(n) goeden en(de)/
erflich(eit) vand(er) eend(er) helicht die hem dair af toebehoert sal moghen/
v(er)coepen ende ov(er)goeden ende vanden pe(n)ninge(n) dair af comen(de) soe vele gelts/
trecken ende afneme(n) als diene(n) sullen totten afleggen(en) der drie rinssche/
gul(den) erf(lix) voirs(creven) met coste en(de) co(m)me(r) o(m)me hem selve(n) te lossene vand(er) voirs(creven)/
geluften van vervane die hij mett(er) voirs(creven) sijnre moeder ghedaen heeft
//
ende desgelijcx o(m)me de voirs(creven) sijn twee huysen ind(er) voirg(eruerde) obligacie(n)/
beg(re)pen die voe(r) de selve drie rinssche gulden(en) erf(lix) mede v(er)obligeert/
staen vand(er) selv(er) obligacien tontslaene ende te lossene alsoe verre/
de voirs(creven) jan stroeprox die ind(er) voirs(creven) guedingen gelooft es te v(er)vane/
de selve gelufte van vervane weyg(er)de te doene ende dair toe niet/
come(n) en woude Ende den ov(er)slach vande(n) ghelde salme(n) aenlegge(n)/
tot behoef des voirs(creven) bastijns aen erfrente(n) behoud(elijck) d(aer) inne der/
moed(er) hair tocht cor(am) eisd(em)
Contributorskristiaan magnus
Moderated bykristiaan magnus
Last update: 2018-08-13 by The Administrator