It(em) reyne(re) borreman en(de) sijn wijff hebben toegeseet en(de) gelooft/ andriese ylkaerts tot behoef der voirs(creven) machtelden dat sij alsuke(n)/ ix rinssche gul(den) als come(n) sijn van voirlive als vande(n) v(er)cochten/ goeden voirs(creven) ten ald(er)meesten dat sij sullen conne(n) ende moghe(n) aen/ te leggen sullen aen lijfrente(n) ten meeste(n) orbe(re) en(de) p(ro)fijte/ der voirs(creven) machtelden dair inne dat de voirs(creven) moeder huer heffen/ behoude(n) sal ende nae huer doot te volgen(e) machtelden vors(creven)/ ende dat sij de scepen(en) brieve van dien leggen sullen in/ ghewaerg(er) handt cor(am) eisd(em)