It(em) den vors(creven) brief es bekint te des(er) meni(n)gen te wetene/ dat soe wa(n)neer de vors(creven) joes die rintm(ees)t(er) es d(er) vors(creven) cap(it)le/ van hue(re)n goeden te love(n)joel tot cortbeke ov(er)loe en(de) elswair/ tot meer and(ere)n plaetsen nae inhout sijnre co(m)missien bider vors(creven)/ cap(it)le oft hue(re)n rintmeest(er) dueghdelic v(er)maent en(de) v(er)socht sal sijn/ o(m)me vanden vors(creven) sinen ontfange wettige rekeni(n)ge en(de) ov(er)leveri(n)ge/ te doene en(de) desgelijx van sinen uutgevene wettige bewisenisse/ en(de) genoechdoen te doene en(de) oft hij des niet en dade oft/ enichsins in gebreke wae(r) dat dan tvors(creven) capittel huer mett(er)/ vors(creven) brieve sal mogen behulpe(n) o(m)me en(de) opde(n) vors(creven) joese/ en(de) den and(ere)n sinen vors(creven) borgen oft hue(r) goede o(m)me d(aer) af volcome(n)/ rekeni(n)ge uutreikinge bewisenisse en(de) genoechdoen te gecrigene/ met gad(er)s alle coste va(n) rechte die de selve cap(it)le oft huer p(ro)cur(eur)/ d(aer) o(m)me enichsins gedaen oft geleden sulle(n) hebbe(n) en(de) niet vord(er)/ en(de) te dier meyni(n)gen sal den selve(n) brief ond(er) scep(enen) bliven liggen(de)/ o(m)me d(aer) mede te volschieden des voe(r) geruert is cor(am) eisd(em)