Allen den ghenen (et)c(etera) burg(er)meest(er) (et)c(etera) doen te wetene dat opde(n) dach/ van heden voir ons comen sijn de p(ro)visoe(re)n en(de) mombore(n) vand(er) tafelen/ sheilichs geests va(n) s(in)[te] machiels te loven(e) en(de) hebbe(n) ald(aer) in alle der/ bester forme(n) en(de) manie(re)n soe dat nae recht best diene(n) mach en(de) behoe(re)n/ van wege(n) d(er) selv(er) tafele(n) volcomelic gemechticht gesedt geordin(er)t en(de)/ ge(con)stitueert en(de) met dese(n) l(ette)ren v(er)mechtige(n) sette(n) ordine(re)n en(de) (con)stitue(re)n/ symone laureys hue(re)n p(ro)cur(eur) en(de) zund(er)linge(n) bode o(m)me alle d(er) vors(creven)/ tafele(n) goede erfchijse(n) erfrinte(n) erfpachte(n) en(de) scoude(n) tot wat plaetse(n)/ oft aen wat goede(n) oft p(er)soene(n) dat dat sijn oft gebue(re)n sal te eischene/ te manene opte bue(re)n en(de) inne te heffene en(de) va(n) alle(n) gehavene(n) goed(en)/ rinte(n) pachte(n) sculde(n) en(de) chijse(n) behoerlike en(de) behoeflike den ghene(n) dies/ behoeft quitan(cien) te geve(n) En(de) die goede sculde(n) erfrinte(n) pachte(n) [en(de)] chijse(n) ofts/ noot zij met rechte talle(n) plaetse(n) en(de) voe(r) alle rechte(re)n d(aer) dat/ gebue(re)n oft behoeve(n) sal moge(n) te v(er)volge(n) En(de) derflich(eit) en(de) de p(ro)p(ri)eteit/ va(n) dien te bedinge(n) en(de) alle pointe(n) en(de) ar(ticu)[le(n)] va(n) rechte d(aer) toe/ nae recht oft costume vand(er) plaetse(n) dienen(de) te houde(n) en(de) te v(er)wae(re)n/ en(de) totte(n) ynde uut vande(n) rechte met vo(n)nisse(n) te wi(n)ne(n) oft te/ v(er)liese(n) uutsege en(de) co(m)posicie te make(n) En(de) alle tgene d(aer) inne/ te doene en(de) te vorde(re)n inde(n) rechte en(de) d(er) borge(n) [anderssins] gelijc de vors(creven)/ p(ro)visoe(re)n en(de) mombore(n) selve doen soude(n) oft mochte(n) waert dat/ sij voe(r) oge(n) wae(re)n Geloven(de) de vors(creven) p(ro)visoe(re)n en(de) mombore(n)/ va(n) wege(n) d(er) vors(creven) tafele(n) vast en(de) va(n) weerd(en) te houde(n) en(de)/ te hebbene soe wes biden vors(creven) p(ro)v symone d(aer) inne en(de) des/ d(aer) aen cleve(n) mach gedae(n) en(de) gevord(er)t sal worde(n) in enig(er) manie(re)n/ alle argelist h(ier) inne uutgesceid(en) dese vors(creven) p(ro)cu(ra)cie totte(n)/ wed(er)roepe d(er) vors(creven) p(ro)visoe(re)n en(de) mombore(n) dien(en)de m(aer) niet lang(er)/ cor(am) tybe burg(imagistr)[o] opp(endorp) winge scab(inis) ja(nua)[rii] xviii