It(em) alijt vanden trappen weduwe henricx wijlen de menghe(re)/ margriete smenghers huer docht(er) out sijnde xxvi jaer en(de)/ dae(re)n boven gelijc de selve m(ar)griete en(de) de voirs(creven) alijt hue(r) moed(er)/ dat oppenbairlicke(n) bekint hebbe(n) p(ri)[(us)] ema(n)cip(ata) en(de) henrick van/ loon behoude sone der vors(creven) alijten in p(resen)c(ia) hebben geloeft/ ind(ivisim) meest(er) arnde sack scadeloes te houden(e) en(de) tontheffen(e)/ van alsulke(n) geluften van wara(n)deerscape en(de) genoech doene/ als de voirs(creven) meest(er) arnt opden lesten dach van april int jair/ xiiii[c] lv voer scepen(en) van loven(e) gedaen en(de) geloeft heeft/ h(ere)n willem(me) edelhee(re) prieste(r) als van eene(n) huyse en(de) hove/ dat den voirs(creven) wijlen henricken den menghe(re) toe te behoe(re)n plach/ en(de) nu toebehoiren(de) es roelove vanden houte gelegen inde groefstrate/ tusschen de goede goirts zeels in deen zijde en(de) de goede henrix/ capellaens in dand(er) zijde Op welck huys en(de) hoff de voirs(creven)/ h(er) willem als doen ond(er)halve(n) rijd(er) erf(lijck) gecocht en(de) gecregen/ heeft en(de) desgelijcx voirt van allen ande(re)n geluften die de/ selve meest(er) arnt vande(n) selve(n) ond(er)halven rijd(er) gedaen ende/ geloeft heeft hoedanich die sijn moege(n) het sij aen h(ere)n willem(me)/ voirs(creven) oft ande(re) p(er)soene(n) en(de) dat sij den selve(n) ond(er)halve(n) rijd(er) erf(lijck)
//
bynnen iiii jae(re)n naestcomen(de) quijten en(de) afleggen sulle(n) ende die/ jaerlijke rinte d(aer) af dae(re)n tussche(n) vernueghe(n) en(de) betalen alsoe dat de/ voirs(creven) meest(er) arnt d(aer) af in sijne(n) p(er)soen en(de) goeden ontlast en(de) onthave(n)/ sijn sal en(de) bliven tewighen daghen Geloven(de) alnoch de selve alijt/ m(ar)griete hue(r) docht(er) en(de) henrick van loen ind(ivisim) den selve(n) meest(er) arnde/ dat sij alle maenden ond(er) scepen(en) van loven(e) bringen sulle(n) de weerde/ van eenen postulat(us) gulden(en) tott(er) so(m)men toe van xxviii(½) rijders/ o(m)me die so(m)me vande(n) selve(n) xxviii(½) rijd(er)s v(er)gheert sijnde den voirs(creven)/ ond(er)halve(n) rijd(er) erf(lijck) met vollen pachte d(aer) mede afgeleet te/ wordden ingaen(de) dierste betalinge van dien van heden ov(er) een/ maent en(de) soe voirt v(er)volgen(de) van maenden te maende(n) Geloven(de)/ voirt tot al des voirs(creven) es de selve p(er)soenen ind(ivisim) t(er) manisse(n) des/ voirs(creven) meest(er) arnts te comen(e) voer hoff en(de) voer hee(r) d(aer) af men/ huer goede h(ier) ond(er) bescreve(n) houden(de) es Te weten(e) inden yersten/ eenen hoff gelege(n) t(er) loenbeken t(er) plaetssen geheete(n) inden berch/ It(em) xx roeden lants geleg(en) al dair ov(er) de scaveye It(em) eene(n)/ hoff gelege(n) aldair bijden wech gaen(de) ten eycborne It(em) een/ mudde rox erf(lijck) op zeke(r) goede en(de) ond(er)pande gelege(n) te hulde(n)b(er)ge/ en(de) d(aer) omtrent toebehoiren(de) den kinde(re)n faets It(em) x molevate(n) rox/ erf(lijck) op een stuck lants houden(de) iii dach(mael) gelegen inde p(ro)chie van/ huldenb(er)ghe opt reymersvelt dat ja(n)ne wijlen haye toe te behoiren/ plach ende aldaer alle de selve goede en(de) erfpachte met hen en(de)/ met katlinen smenghers huysvrouwe des voirs(creven) henricx van loon/ die de selve henric in desen op hem genome(n) heeft en(de) geloeft/ te vervane voir dvoldoen van al des voirs(creven) steet wettelike(n) v(er)oblige(re)n/ en(de) v(er)binden Welk(er) obligacie(n) nochtan niet wed(er)staen(de) de selve p(er)soene(n)/ in hue(re)n p(er)soenen gehouden sijn en(de) gehouden sulle(n) bliven voe(r)/ tvoldoen van al des voirs(creven) steet o(m)me dat aen hue(re)n p(er)soene(n) oft aende/ voirs(creven) goeden en(de) erfpachte v(er)haelt en(de) v(er)richt te moegen wordden/ beyde vande(n) p(ri)ncipalen geb[r]eken en(de) costen van rechte die d(aer)op loepen/ souden moegen cor(am) absoloens vos febr(uarii) penulti(m)a