It(em) hebben de voirs(creven) schulde(re)n ghelooft ende toegheseet indivisim den voirs(creven)/ h(ere)n willem(me) oft soe ghebuerde dat sij de voirs(creven) ii rijd(er)s erf(lijck) in toecomen(de) tijden/ op pande bewesen dat sij die bewijsenisse doen sullen tot allen hue(re)n coste/ ende laste van pont pe(n)ninghen van guedinghelde ende van allen all ande(re)n/ oncosten Ende ind(er) selv(er) bewijsenissen besorghen dat de selve rente los/ en(de) vry sijn sal ende onghepraemt blive(n) tot ewighe(n) daghe(n) vand(er) beden onss/ ghened(ichs) she(re)n van sdorps rechte van schote ende lote ende van allen ande(re)n/ oncosten die men dair op soude moghen setten oft ordine(re)n in e(n)nig(er) manie(re)n/ alsoe dat de selve h(er) willem en(de) sijn naecomelinghe(n) tot ewighen daghen/ de selve rente los ende vry van allen calanigen heffen ende bue(re)n sullen/ zond(er) arghelist cor(am) eisd(em)