Cont zij alle(n) lieden dat peet(er) rogghe sone geldens wijle(n) rogghe/ in p(rese)ncien der scepen(en) van loeven(e) gestaen heeft uutgegeve(n) ende/ bekint dat hij uutgegeve(n) heeft janne de hertoghe wonende/ te hev(er)le dwinhof desselffs peet(er)s geheten thoff t(er) elst/ mette(n) huysen hoven(en) wynnen(de) landen d(aer) toe behoe(re)nde ende/ met allen den beemden o(m)me gaens den selve(n) hove gelegen/ gelijc de selve goede gelegen sijn te hev(er)le in desen uutgesceid(en)/ tgroet woenhuys met sinen tobehoerte(n) dwelc de vorscr(even)/ peet(er) voir hem behouden heeft o(m)me sijn hout en(de) [diesgelijke] ande(re) sijne/

behoeften d(aer) inne te leggen sond(er) tot enige(n) and(ere)n saken te/ gebruykene behoudelic dat hij ten oexte als de vruchte(n) te/ velde rijp sijn int selve huys sal he(n) mogen bringen en(de) leggen/ een bedde en(de) ald(aer) slapen den oext uut due(re)nde en(de) niet lange(r)/ en(de) in desen oic mede uutgesceid(en) deene schue(r) vanden drien die/ de vors(creven) peet(er) oic voir hem behouden heeft te wete(n) die schue(r)/ die hij kiesen sal o(m)me te oexte sijn coren dat vande(n) velde/ comen sal inne te leggene en(de) te tassene en(de) voirt and(er)ssins/ des hem toebehoe(re)n sall het sij hout oft diesgelijc oic mede/ inne te leggene Te houdene en(de) te hebbene van halff/ m(er)the lest leden eene(n) t(er)mijn van xii jare(n) lang due(re)nde/ deen nae dand(er) sond(er) middel volgen(de) elx jaers dae(re)n bi(n)ne(n)/ o(m)me en(de) voe(r) Te wetene de wynnen(de) lande t(er) helicht [uutgesceid(en) een stuc lants mette(n) hoefkene d(aer) toebehoe(re)nde houden(de) te samen een dachmael gelege(n) aent vors(creven) hof aende hoert opde zijde te loven(e) wart dwelc de vors(creven) jan voe(r) uut tot sine(n) v(er)doene hebbe(n) sall] en(de)/ de vors(creven) beemde o(m)me xvii croene(n) d(er) mu(n)ten sconinx van/ vrancrijke van goude goet en(de) ginge te weten xxiiii stuv(er)s/ voir elc croene gerekent alle jare sinte m(er)tensmisse inden/ wynt(er) te betalen den vor(screven) peet(ere)n den vors(creven) t(er)mijn due(re)nde/ q(u)[o](libet) ass(ecutu)[m] met vurwerden oft den vors(creven) ja(n)ne den hertoghe/ enigen stoet gedaen oft gemaect wordde aenden beempt gelegen/ aende papestrate alsoe dat hem dien niet volgen en mochte/ soe sal de vors(creven) peet(er) d(aer) voe(r) den vors(creven) ja(n)ne jarlix corten/ vijf croenen ter elc croene gerek(ent) als voe(r) als vande(n) xvii[te(n)]
//
cronen vors(creven) It(em) es vurwerde dat de vors(creven) peet(er) ende de wi(n)ne/ binnen den iersten vi jaren van malcandere(n) sceiden mogen op/ dat hen gelieft behoud(elic) dat de ghene die sceiden wilt dat/ te voren een jair den and(ere)n condigen sal en(de) laten weten It(em) dat/ de vors(creven) jan jarlix den vors(creven) t(er)mijn due(re)nde de vors(creven) wynnen(de) lande/ wel en(de) loflic wi(n)nen werve(n) en(de) mesten sal gelijc regenoten/ boven en(de) bened(en) te wetene den wint(er)aert op iiii getidege/ voren den somer aert op iii voren en(de) die tot sine(n) afsceid(en)/ besayt laten te weten iiii(½) boend(er) met rogge ii boend(er) met/ t(er)wen de storte o(m)me gedaen op een vore en(de) ii boend(er) brake/ geheel It(em) ten oexte alst tcore(n) te velde rijp sijn sall soe/ sal dat de vors(creven) wi(n)ne afdoen en(de) des vors(creven) peet(er)s helicht/ vue(re)n in sijn schue(r) vors(creven) en(den) alst gedorsschen is den selve(n) peet(ere)n/ dat tot loven(e) bringen [en(de) leve(re)n] en(de) al sond(er) cost peet(er)s vors(creven) It(em) allet/ stroe dat jairlix vanden vors(creven) goed(en) come(n) sal dat sal de/ vors(creven) jan binnen den vors(creven) hove met sine(n) beesten [ette(n)] en(de) sliten/ en(de) d(aer) af mestmaken en(de) dat voirt opde vors(creven) lande vue(re)n/ tot hue(re)n meesten p(ro)fijte It(em) sal de vors(creven) pee jan den vors(creven)/ peet(ere)n jairlix leve(re)n vijftich busselle(n) walms o(m)me die opde/ vors(creven) huyse v(er)dect te worden en(de) alsmen die v(er)dect soe/ sal de vors(creven) jan d(aer) af betalen half de dachue(re)n en(de) peet(er)/ dand(er) helicht en(de) de vors(creven) jan sal alsd(an) den leem aenhale(n)/ dieme(n) d(aer) toe besige(n) sall It(em) soe wes aende vors(creven) huse/ als nu gebrect van deckene van pleckene oft and(er)ssins/ dat sal de vors(creven) jan doen make(n) ten coste des vors(creven) peet(er)s/ en(de) de selve peet(er) sal hem dat corten aent dierste payeme(n)t/ van sinen weygelde vors(creven) en(de) de selve huse alsoe gereect/ sijnde es vurw(er)de soe wes van dan voertaen d(aer) aen ge/ broken sal worden biden vors(creven) ja(n)ne oft sine(n) beeste(n) dat hij/ dat wed(er)o(m)me als vand(er) ond(er)ster rikele(n) ned(er)wert tot sijnre/ cost sal doen maken en(de) r(e)pare(re)n Es voert vurw(er)de dat de
//
vors(creven) peet(er) sal mogen afbreken de huysinge staen(de) o(m)me/ gaens den dufhuyse ald(aer) en(de) desgelijcx tselve dufhuys op/ dat hem gelieft en(de) desgelijx oic mede dbachuys ende de/ kerscame(r) staen(de) inden beempt ald(aer) en(de) de ti(m)meri(n)ge d(aer) af v(er)cope(n)/ sond(er) wederseggen jans vors(creven) It(em) sal de vors(creven) jan op sinen cost/ jarlix sinen t(er)mijn due(re)nde de grebben vanden vors(creven) goeden houde(n)/ gelijc hij die gevond(en) heeft tot sinen aencome(n) en(de) die slichten/ alsoe dat dair eeghde en(de) ploeghe ov(er)varen mogen It(em) sal/ voert de selve jan tot sijnd(er) cost houden alle de weeghe/ en(de) grechte(n) vanden vors(creven) goeden die de selve goede sculdich sijn/ te houdene beide vande(n) beemde(n) en(de) lande wel en(de) loflic in goede(n)/ state It(em) sal de vors(creven) peet(er) tot sinen v(er)doene hebben en(de)/ behouden die haghe staen(de) o(m)megaens den wijng(ar)de ald(aer) En(de)/ alle ande(re) haghe(n) omtre(n)t den vors(creven) goede(n) staen(de) es vurw(er)de dat de/ vors(creven) jan die houwe(n) en(de) struncke(n) mach tot opde ouwe struncke(n)/ en(de) thout d(aer) af comen(de) aenv(er)d(en) en(de) tot sine(n) p(ro)fijte beke(re)n It(em) alle/ berhout dat de vors(creven) peet(er) voe(r) sijn berri(n)ghe [opde goede] sal doen make(n)/ dat sal hem de vors(creven) jan tot loven(e) leve(re)n sond(er) cost desselfs peet(er)s/ It(em) sulle(n) de vors(creven) peet(er) en(de) jan halff en(de) halff hebbe(n) allet doeft/ dat jairlix opde goede wassen sal en(de) dat te gelijke doen lesen/ en(de) t(er) eerden leve(re)n en(de) de vors(creven) jan sal den vors(creven) peet(ere)n altijt sijn helicht/ te loven leve(re)n It(em) de vors(creven) jan sal jairlix op sine(n) cost de vorscr(even)/ beemde wel en(de) loflic beheyme(n) en(de) bevrede(n) en(de) alle oude thuyne/ d(aer) af vallen(de) te hemwert trecke(n) en(de) aenveerd(en) It(em) de vors(creven) jan/ sal moge(n) [struncke(n) alle] struncwillige(n) en(de) popelier boeme(n) opde vors(creven) goede staen(de) alsoe/ v(er)re die op [ald(aer)] gestrunct sijn geweest en(de) d(aer) af neme(n) den loeck/ o(m)me de vors(creven) beemde te v(er)make(n) en(de) alle greppe(n) van allen den/ geheeler loeke vallen(de) sale(n) alleene den selve(n) ja(n)ne toebehoe(re)n en(de)/ soe wes vanden loeke wassen(de) bove(n) tvermake(n) vande(n) beemde(n) te/ weten van wijng(ar)t stake(n) en(de) van poten v(er)ove(re)n sal dat sulle(n) de/ vors(creven) peet(er) en(de) jan te gelike v(er)copen en(de) tgelt d(aer) af comen(de) halff
//
en(de) half hebbe(n) en(de) deile(n) En(de) alle dese voirs(creven) vurwerd(en) gelufte(n) ende/(con)dicie(n) vors(creven) hebbe(n) geloeft de vors(creven) wi(n)ne in deen zijde en(de) peet(er)/ in dande(re) zijde malcande(re)n vast gestentich en(de) onv(er)brekelic te houd(en)/ en(de) te voldoene tallen tijden en(de) t(er)mijne(n) als die vallen en(de) v(er)schine(n)/ sulle(n) en(de) telke(n) t(er)mijne als v(er)voghde schout cor(am) oppendorp/ winghe m(ar)tii p(ri)ma april(is)