Item tusschen janne de briede(re) vorste(r) woenen(de) inden hevel die onlangs/ leden verhuerd heeft eenen geheten poppen van ziericzee een/ p(er)t voer welck p(er)t ende huere van dien peter van overdyle en(de)/ arnd loenijs gesproken hadden ter eenre zijden en(de) de vors(creven)/ peter en(de) arnd ter ande(re) na dat de voirs(creven) jan de briede(re)/ eyschte tvoirs(creven) pert weder te hebben dwelc hij vii rijnsch/ gulden vercocht hadde en(de) oic de hue(r) van xl daghen So/ es bij consente van beiden p(ar)tien geappoenteert dat de vors(creven)/ peter en(de) arnd den voirs(creven) janne de briede(re) voer all gheven/ zullen viii rijnsch gulden(en) te xx stuv(er)s tstuck Met sulker/ condicien dat de voirs(creven) peter ende arnd heure gewarige/ en(de) uut(er)ste diligencie doen sullen om vanden voirs(creven) poppen de/ weerde vanden voirs(creven) p(er)de ende hue(r) te gecrigen en(de) des/ zij dan meer gecrigen dan de voirs(creven) viii rijnsch gulden(en)/ dat hebben zij gelooft den voirs(creven) janne over te gheven/ Act(um) in pleno consilio dec(embris) iii